Аяна Константинова хаартыскаҕа түһэриитэ..
Бүгүн, тохсунньу 23 күнүгэр, Дьокуускайга өрөспүүбүлүкэтээҕи медиа-кииҥҥэ эр дьоҥҥо саахымакка СӨ Баһылыгын Куубагар анаммыт пресс-кэмпириэнсийэ буолан ааста. Бу турнир Саха сиригэр иккиһин ыытыллар. Дойдубутугар буолар үрдүк таһымнаах тэрээһиннэргэ киирсэр.
Пресс-кэмпириэнсийэҕэ СӨ физическэй култуураҕа уонна успуорка миниистирэ Леонид Спиридонов, Саахымаакка өрөспүүбүлүкэтээҕи федерация бэрэсидьиэнэ, Ил Түмэн дьокутаата Владимир Егоров, турнир сүрүн судьуйата Михаил Крюков, норуоттар икки ардыларынааҕы гроссмейстер, суруналыыс, ааспыт турнир кыттыылааҕа Дмитрий Кряквин кытыннылар.
Турнир тоҕус күн устата Национальнай ойуулуур-дьүһүннүүр түмэлгэ буолуоҕа. Быйыл Арассыыйа 12 эрэгийиэниттэн 50-тан тахса саахыматчыт кытта кэлбит. Ол курдук, оҕолорго саахымакка аан дойду чөмпүйүөнэ, Тольяттиттан сылдьар Алексей Гребнев, Арассыыйа 10 төгүллээх чөмпүйүөнэ Галина Струтинская, Бурятия бастакы гроссмейстера Антон Шомоев, Арассыыйа 2011 сыллаах гроссмейстера Алексей Придорожнай уо.д.а. биллиилээх саахыматчыттар кыттыыны ылыахтара.
Саамай кыра кыттааччы 11 саастаах буоллаҕына, аҕа саастаах кыттааччынан Үөһээ Бүлүүттэн сылдьар 80 саастаах Александр Жу буолар.
Кыайыылаахтарга чороон быһыылаах кыһыл көмүс, үрүҥ көмүс уонна боруонса мэтээллэри кэтэрдиэхтэрэ. Бастаабыт саахыматчыт 250 тыһыынча солкуобайынан наҕараадаланыаҕа. Бириис пуондата – 1 250 000 солк.
Күрэхтэһии иитинэн өрөспүүбүлүкэҕэ саахымат сайдарын туһугар баҕалаахтарга диэн ааттаах-суоллаах саахыматчыттар маастар-кылаастары, сеанстары уонна түргэн турнирдары ыытыахтара.
“Билигин Саха сиригэр саахыматынан 4000-тан тахса оҕо интэриэһиргээн дьарыктанар. Бу көрүҥү оскуола үөрэнээччилэрин истэригэр буолар олимпиадалар испииһэктэригэр киллэриэххэ сөп”, – диэн пресс-кэмпириэнсийэ кэмигэр бэлиэтээн эттилэр.
Саахымакка Ил Дархан Куубагын сылын аайы ыытары былаанныыллар.
Аяна Константинова.
Арассыыйа аармыйатын Киин Академическай тыйаатыра Саха сиригэр кэлиэн иннинэ тыйаатыр дириэктэрэ Милена Авимскаялыын маннык кэпсэппиппит.…
Бүгүн, от ыйын 6 күнүгэр, Таатта улууһун хайысхатынан араас массыына, оптуобус халҕаһалыы субуллар. Манчаары төрүт…
Мэлдьи ахтар-саныыр доҕорбунаан Ньукулайдыын 80-с сыллартан “Кыым” хаһыакка үлэлиэхпититтэн билсибиппит. Хомсомуолга иитиллибит, хомуньуус баартыйа кыһатыгар…
Ураты быһыылаах түргэн мантыы ырысыабынан социальнай ситимнэринэн фудблогер уонна спортсмен Владимир Никитин үллэһиннэ. Өрөбүл күҥҥэ…
Норуот ырыаһыта Сергей Зверев төрөөбүтэ 125 сылынан Сунтаар улууһун Түбэй Дьаарханыгар ыытыллыбыт Ыһыах кыттыылаахтара Ыгыаттаҕа…
Сахабыт сиригэр самаан сайыммытын уруйдуур-айхаллыыр, араас ыһыахтар дьэ бүтэн эрэллэр. Мин эмиэ сааспын баттаһа, биир…