Саахымат өрөспүүбүлүкэтээҕи III кэнгириэһин саамай кыра кыттааччыта Баир Имыхелов

Саахымат өрөспүүбүлүкэтээҕи III кэнгириэһин саамай кыра кыттааччытынан Бурятияттан кэлэ сылдьар Баир Имыхелов буолар. Баир баара-суоҕа 6 саастаах эрээри, номнуо хас даҕаны күрэхтэһиигэ кыттыбыт, бастаабыт.

Баир саахмыатчыт дьиэ кэргэн оҕото. Успуорт бу бэртээхэй көрүҥүнэн ийэтиттэн саҕалаан эһэтигэр тиийэ бары кэриэтэ дьарыктаналлар эбит. Уолчаан бэйэтэ этэринэн, кини саахымакка ордук бииргэ оонньооччуларын кыайарын сөбүлүүр. Оттон кини утарсааччылара – 9-10 саастаах оҕолор. Онон кырачаан биир дойдулааҕа, Улан Удэттэн сылдьар норуоттар икки ардыларынааҕы гроссмейстер, түргэн оонньууга Арассыыйа чөмпүйүөнэ Антон Шомоев курдук биллиилээх саахыматчыт буола үүнэр кыах барыта баар.

СӨ саахымакка федерациятын пресс-сулууспата.