Андрей Сорокин хаартыскаҕа түһэриитэ, СИА
Дьааҥы улууһугар Баатаҕайга бэҕэһээ, олунньу 24 күнүгэр, эргиэн-логистика киинин үөрүүлээх быһыыга-майгыга астылар. Бу Арктикаҕа тохсус эргиэн-логистика киининэн буолар.
Эбийиэк Уһук Илини сайыннары министиэристибэтин өйөбүлүнэн тутуллубут. Уопсайа 1 150 кв.м. тахса иэннээх сиргэ аныгы үйэ ирдэбилигэр эппиэттиир саҥа тэриллэрдээх.
«Саҥа эргиэн-логистика киинигэр аһы-үөлү, оҕуруот аһын өр хаһаанарга усулуобуйа тэриллибит, киэҥ-куоҥ сылаас уонна тымныы ыскылааттардаах, тоҥорор камералардаах, холодильниктардаах. Маннык киин арыллыбыта аһы-үөлү удамыр сыанаҕа аҕалалларыгар, ас-үөл арааһын элбэтэргэ уонна хаачыстыбатын сүтэрбэккэ өр хаһааналларыгар көмөлөөх«, — диэн этэр Ил Дархан Айсен Николаев.
Сотору кэминэн маннык кииннэр өссө түөрт улууска арыллыахтаахтар.
«Сотору Муома улууһугар Хонууга маннык онус киин арыллыа. Онтон сыл устатыгар Эбээн Бытантайга, Аллайыахаҕа, Өлөөҥҥө эргиэн-логистика кииннэрэ тутуллуохтара. Дьэ, оччотугар биһиги түөрт сыллааҕыта туруоруллубут сыалы-соругу толордубут диэн этиэхпит«, — диир Ил Дархан. Барыта ситтэҕинэ-хоттоҕуна Арктика 13 улууһугар эргиэн-логистика киинэ баар буолара ситиһиллэрин ыйар.
Ил Дархан этэринэн, Арктиканы сайыннарыы уонна Хотугу норуоттар дьыалаларын министиэристибэтин, эргиэн-логистика хампаанньатын иннигэр, аны, Дьокуускайга олохтоох бородууксуйаны аҕалыы соруга турар. Маныаха өрөспүүбүлүкэ киин куоратыгар арктическай оройуоннартан кэлэр аһы-үөлү астыыр сыах үлэлиэхтээх.
«Эргиэн-логичтика кииннэригэр барыларыгар аһы-үөлү бэлэмнээһиҥҥэ, тиэйиигэ, таһыыга усулуобуйа тэриллэр. Ол олохтоох аһы-үөлү дэлэтиигэ тирэх буолуоҕа. Уопсайынан, маннык эбийиэктэр урбаан сайдыытын биир тирэҕинэн, ол иһигэр олохтоох нэһилиэнньэҕэ үгэс буолбут дьарыктарын, хаһаайыстыбаларын сайыннаралларыгар кыаҕы биэриэҕэ», — диэн кини бэлиэтиир.
Арктикатааҕы эргиэн-логистика хампаанньатын Баатаҕайдааҕы филиалын дириэктэрэ Ирина Старостина Баатаҕайга маннык киин арыллыбыта улуус олохтоохторугар барыларыгар улахан суолталааҕын, туһалаах буолуоҕун этэр.
«Эргиэн-логистика киинин арыйыы, ас-үөл арааһын элбэтэн, ол иһигэр оҕуруот аһын, фруктаны аҕалан бары сэлиэнньэлэри хааччыйарга, ол иһигэр уустук суоллаах-иистээх нэһилиэнньэлээх пууннарга тиэрдэргэ кыаҕы биэрэр. Күһүн нэһилиэнньэттэн сир аһын, эти, балыгы тутары былаанныыбыт«, — диэн кини үлэ-хамнас былааныттан сырдатта.
СӨ Ил Дарханын уонна Бырабыыталыстыбатын пресс-сулууспата
Андрей Сорокин хаартыскаларга түһэриитэ, СИА
СӨ Уопсастыбаннай балаататын чилиэнэ, «Щит и Меч» ХЭУо дириэктэрэ Георгий Глебов санаатынан, анал байыаннай дьайыы…
Саха сирэ күнүнэн-дьылынан олус уратылааҕынан биллэр, ол инниттэн, сүөһүттэн ылыллар бородууксуйаны элбэтэр бастакы ньыманан төрүөҕү…
Саха сиригэр ааспыт сууккаҕа, муус устар 27 күнүгэр, уон баһаар тахсыбыта регистрацияламмыт. Өлбүт уонна эмсэҕэлээбит…
Өрөспүүбүлүкэ күнүн чэрчитинэн Саха Өрөспүүбүлүкэтин Бырабыытылыстыбатын бэрэссэдээтэлин бастакы солбуйааччы Сергей Местников Таатта улууһугар суолталаах тэрээһиннэргэ…
Ааспыт сууккаҕа Саха сиригэр 7 буруйу оҥоруу тахсыбыта бэлиэтэммит. Киин куоракка икки уоруу тахсыбыт -…
Бу күннэргэ Өймөкөөн улууһун дэлэгээссийэтэ анал байыаннай дьайыыга кытта сылдьар биир дойдулаахтарын кытта көрсө сылдьар.…