«Саарыннар ыллыктарынан» бырайыак Ил Дархан гранын ылла

Хаартыска: Ил Дархан, бырабыыталыстыба дьаһалтатын пресс-сулууспата

Тааттаттан «Биир Түмсүү» кэмиэрчэскэйэ суох тэрилтэ «Саарыннар ыллыктарынан» оскуола туһунан бырайыага Ил Дархан гранын ылла.

Хаартыска: Ил Дархан, бырабыыталыстыба дьаһалтатын пресс-сулууспата

Бэс ыйын 9 күнүгэр Айсен Николаев «Үлэ кыбаартала» кластерга Ил Дархан граннарын кыайыылаахтарын кытта көрүстэ. Куонкуруска барыта 32 улуустан, 361 кэмиэрчэскэйэ суох тэрилтэттэн 414 бырайыак киирбит. Куонкурус 16 хайысханан ыытылынна. Патриотическай иитиигэ, наукаҕа, үөрэҕириигэ, доруобуйа харыстабылыгар, култуураҕа, ускуустубаҕа, дьиэ кэргэни өйүүргэ саамай элбэх бырайыак киирбит.

Манна 71 кэмиэрчэскэйэ суох тэрилтэ кыайда. Кыайыылаахтар истэригэр «Биир Түмсүү» «Саарыннар ыллыктарынан» оскуолатын бырайыага баар.

«Саарыннар ыллыктарынан» бырайыак быйыл от ыйын 1 күнүттэн үлэлээн саҕалыаҕа. Бырайыак чэрчитинэн, волонтер-настаабынньыктар слеттара, Амма өрүһүнэн устуу-эспэдииссийэ, үөрэнээччилэргэ, маһынан кыһар маастардарга «Сыгынахтаах аартык» улуустааҕы куонкурус, «ТааттаМУУС-2023» мууһунан кыһар маастардарга күрэс, о.д.а. тэрээһиннэр буолуохтара.

Ил Дархан, бырабыыталыстыба дьаһалтатын пресс-сулууспата.

Саха сиригэр сир хамсааһына бэлиэтэннэ

Балаҕан ыйын 7 күнүгэр Өлүөхүмэ улууһугар Таборнай диэн сиргэ сир хамсааһына бэлиэтэннэ. Бу туһунан ЯСИА…

57 минут ago

Интервью
Сонуннар

Нюргуна Соколова: “Иннибит диэки эрэллээхтик хардыылыыбыт”

Өрөспүүбүлүкэҕэ кыра кэмпилиэктээх оскуолалар дьылҕалара хайдаҕый? Учуутал тиийбэт кыһалҕатын хайдах быһаараллар? Оҕолор буруйу оҥорууларын сэрэтиигэ…

2 часа ago