Сааскы булт кэмигэр сокуону кэһии 17 түбэлтэтэ тахсыбыт

Саха сиринээҕи биологическай ресурсалар дириэксийэтэ сааскы булт кэмигэр айылҕа харыстабылын сокуоннарын кэһиини туоратыыга биэс хонтуруоллуур эриэйдэни ыыппыт.

Хонтуруоллуур-эриэйдэлиир тэрээһиннэр Дьокуускай куорат, Горнай, Уус Алдан, Мэҥэ Хаҥалас, Чурапчы, Нам, Таатта уонна Томпо улуустарыгар ыытылыннылар. Үлэ түмүгүнэн айылҕа харыстабылын сокуонун 17 кэһиитэ биллибит.

Эриэйдэҕэ РФ национальнай гвардиятын үлэһиттэрэ, булт хаһаайыстыбатын уонна ООПТ департаменын үлэһиттэрэ, СМИ бэрэстэбиитэллэрэ кытыннылар.

Бүгүҥҥү күҥҥэ эриэйдэлэр салгыы ыытыллаллар.