Саха АССР 100 сылыгар Саха сирин көһө сылдьар соҕотох тыйаатырын саҥа дьиэтэ аһылынна

Share

Бүгүн Ньурба куоракка Ньурбатааҕы судаарыстыбаннай көһө сылдьар драматическай тыйаатыр дьиэтин арыйдылар. Бу Саха АССР 100 сылынан тутуллубут култуура эбийиэктэриттэн биирдэстэринэн буолар.  

Соторутааҕы кэмҥэ диэри тыйаатыр 1960-с сылларга тутуллубут биир этээстээх мас эргэ дьиэҕэ үлэлии турбута. “Бүгүн, Саха АССР 100 сылыгар тыа сиригэр култуура бастыҥ эбийиэктэриттэн биирдэстэрин – Ньурба тыйаатырын дьиэтин арыйдыбыт. Бу улуус култуураҕа олоҕор эрэ буолбакка, бүтүн өрөспүүбүлүкэҕэ, дойдуга бэлиэ түгэн. Култуура уонна тыйаатыр искусствота – дьону өрүү сомоҕолуур, биһиги өрөспүүбүлүкэбит судургута суох да кэмнэргэ култуураны өйүүрэ уонна өйүө даҕаны. Ньурба тыйаатыра инникитин даҕаны айар ситиһиилэринэн үөрдэ турарыгар эрэллээхпин”, — диэн СӨ Ил Дархана Айсен Николаев саҥа дьиэ аһыллыытын кэмигэр эттэ.

Саҥа дьиэ аһыллыытынан тыйаатыр артыыстара Саха АССР төрүттээччилэртэн биирдэстэригэр Степан Васильевка аналлаах, Э.Ф.Данилов пьесатынан “Несломленный духом Степан” испэктээги туруордулар.

Ил Дархан өрөспүүбүлүкэ 100 сылынан култуура саҥа дьиэлэрэ бөдөҥ куораттарга эрэ буолбакка, кыра нэһилиэнньэлээх пууннарга эмиэ тутуллалларын бэлиэтээтэ. Саҥа дьиэ тутуута болдьоҕор түмүктэммитинэн туттааччыларга махтанна. “Төһө да уустук кэмнэр, дьаҥ, хааччахтар буоллар, өрөспүүбүлүкэҕэ бу курдук бары тэрилинэн хааччыллыбыт аныгы эбийиэги үлэҕэ киллэрдигит”, — диэтэ.

Саҥа дьиэҕэ 250 киһи киирэр улахан саалалаах, аччыгый уонна эрэпэтииссийэлиир саалалардаах, аныгы тэрилинэн хааччыллыбыт уонна үлэлииргэ, айарга-тутарга барыта баар. Дьиэ таһын эмиэ тупсарбыттар.

Ньурба тыйаатырын 1966 сыллаахха Щепкин аатынан Москватааҕы тыйаатыр үрдүкү училищетын бүтэрбиттэр тэрийбиттэрэ. Бүгүн тыйаатырга Щепкин аатынан тыйаатыр училищетын, Уһук Илиҥҥи искусство институтун, Свердловскайдааҕы тыйаатыр институтун уонна Арктикатааҕы култуура уонна искусство судаарыстыбаннай институтун бүтэрбиттэр үлэлииллэр. Ньурба тыйаатырын сыанатыгар 56 дьыл (сезон) тухары араас эрэгийиэн драматурдарын 200-тэн тахса испэктээгэ турбута. Тустаах тыйаатырга иккилии сыл буола-буола үгэскэ кубулуйбут “САТА” тыйаатыр кэлэктииптэрин өрөспүүбүлүкэтээҕи бэстибээлин ыталлар.

СӨ Ил Дарханын уонна СӨ Бырабыыталыстыбатын пресс-сулууспата.

Хаартыска: Андрей СОРОКИН (СИА).

What’s your Reaction?
+1
0
+1
0
+1
0
+1
0
+1
0
+1
0
+1
0

Recent Posts

  • Сонуннар
  • Тыа хаһаайыстыбата

Ямаллар кыыл табалара (видео)

Бу видеоҕа үөр табалар улахан айан суолун туораан, субуһан эрэллэрэ көстөр. Эчи элбэхтэрин, көрөргө бэртээхэй…

6 часов ago
  • Сонуннар
  • Сүрүн

Ил Дархан «Бэс Чагда» санаторийга байыастары көрүстэ

Улуу Кыайыы күнүн көрсө, ыам ыйын 8 күнүгэр,  Ил Дархан Айсен Николаев «Бэс Чагда» санаторий…

8 часов ago
  • Интэриэһинэй
  • Сонуннар

Учуонайдар Баатаҕай кратера өссө эбии улааппытын бэлиэтээтилэр

Саха сиригэр Баатаҕай кратера ууллан, кэнники өссө эбии улааппытын бэлиэтээтилэр. Ол курдук, өрөспүүбүлүкэҕэ ирбэт тоҥ…

8 часов ago
  • Сонуннар
  • Уопсастыба

Хатаска Андрей Никифоров аатынан уулуссаҕа интерактивнай бэлиэ баар буолла

Андрей Петрович Никифоров аатын сүгэр уулусса интерактивнай бэлиэтин билиһиннэриитэ буолла. Олох диэн улуу күүс, кини…

8 часов ago
  • Сонуннар
  • Сүрүн

«Азия оҕолорун уота» Абыйга тиийдэ

Бүгүн Абый улууһун олохтоохторо VIII "Азия оҕолоро" норуоттар икки ардыларынааҕы успуорт оонньууларын уотун уруйдуу көрүстүлэр.…

9 часов ago
  • Култуура
  • Сонуннар

Бэс ыйын 1 күнүттэн «Азия оҕолоро» оонньуулар култуурунай бырагыраамата саҕаланыа

«Азия оҕолоро» норуоттар икки ардыларынааҕы успуорт оонньууларыгар 50-тан тахса тэрээһин култуурунай бырагыраама иһинэн бэс ыйын…

9 часов ago