Уус Алдан улууһун Бороҕон нэһилиэгиттэн төрүттээх Василий Данилов байыаннай эпэрээссийэҕэ идэлээх байыаннай киһи быһыытынан биир бастакынан кыттыбыта.
2013 сылтан Хабаровскайдааҕы байыаннай чаас 14-c гвардейскай анал биригээдэтигэр хантараагынан сулууспалаабыта. Байыаннай эпэрээссийэ кэмигэр кини разведкалыыр бөлөх хамандыырынан анаммыта. Байыаннай эпэрээссийэ бойобуой дьайыыларыгар саха уола бэйэтин хорсун буойун, талааннаах хамандыыр уонна эрэллээх табаарыс быһыытынан көрдөрбүтэ. Кини хаста даҕаны бааһырбыт биир сулууспалаахтарын быыһаабыта. Бу сыл кулун тутарыгар кини бииргэ сулууспалыыр, снаряд дэлби тэбиитигэр түбэспит Тааттаттан төрүттээх Лука Тоскины санчааска көтөҕөн аҕалбыта. ДНӨ Павловка сэлиэнньэтин анныгар буола турар бойобуой дьайыыга Василийы бөлөх хамандыырынан анаабыттара. Бу бөлөххө быстах байыаннай хомуурга кэлбит сахалар бааллара. Манна Василий Мэҥэ Хаҥалас улууһуттан төрүттээх бааһырбыт саха уолун Николай Семеновы сэрии уотуттан быыһаан таһаарбыта. Василий Данилов баара-суоҕа 33 cаастаах этэ. Кэргэннээх, икки кыыс оҕолоох. Кыра кыыһа саҥа төрөөбүтүгэр Василийга уоппуска биэрэн дойдутугар ыыппыттара. Дьиэ кэргэнин кытта тиһэх көрсүһүүгэ кини саҥа төрөөбүт оҕотун, кэргэнин уонна биэс саастаах кыысчаанын бүтэһигин кууспута…
Саха хорсун хамандыыра Василий Данилов көмүс уҥуоҕа дойдутугар аҕалылла илик. Бойобуой дьайыыларга бэйэтин хорсунун көрдөрбүт Василий Данилов «За боевые отличия» мэтээлинэн наҕараадаламмыта. Василийга өлбүтүн кэннэ «Эр санааланыы» уордьанынан наҕараадаланна.
Биэс сыллаах тохтобул кэнниттэн Судаарыстыбаннай Кириэмил дыбарыаһыгар бастыҥ устудьуоннарга, үөрэх олимпиадаларын, айар куонкурустар, спортивнай күрэхтэһиилэр…
Сыл саамай хараҥа, тымныы бастакы ыйын туһунан Тускул үгэс быһыытынан билгэлээтэ. - 2026 сыл -…
Мэҥэ Хаҥалас улууһугар биир киһи хаһыс да төгүлүн арыгы иһэн баран, массыынаны ыытан, сууттанна. …
Саҥа дьыл буолара үс эрэ күн хаалла. Эрдэттэн хааччымматах дьон билигин тугу бэлэхтиибит диэн толкуйга…
Бу күннэргэ Мэхээлэ Дьөгүөрэп аатынан сылын ахсын ыытыллар Бэрдьигэстээх нэһилиэгин баһылыгын сылы түмүктүүр "Бастыҥнар түһүлгэлэрэ"…
Ахсынньы 28 күнүгэр «Восточнай» космодромтан «Союз-2.1б» аракыата Саха сирин бастакы «Чолбон» кыра космическай аппарааты орбитаҕа таһаарда. Бу Саха сирэ…