Хаартыска: СИА.
Марфа, Сергей Расторгуевтар ааттарынан Саха сирин Судаарыстыбаннай цииркэтэ тэриллибитэ 30 сылын бэлиэтиир. Сэтинньи 9 күнүгэр киэһэ 5 чаастан цииркэ уораҕайыгар «Нам 30 лет» үбүлүөйдээх дьоро киэһэ буолуоҕа.
Уратыта диэн, бу киэһэ цииркэ ускуустубатыгар олохторун анаабыт араас көлүөнэ артыыстар, үгүс сыраларын биэрбит бэтэрээннэр аренаҕа тахсыахтара.
Үбүлүөйдээх киэһэ ыҥырыылаах ыалдьыттара — Беларусь судаарыстыбаннай цииркэтин артыыстара, норуоттар икки ардыларынааҕы цииркэ бэстибээллэрин призердара, салгын гимнастара Анастасия, Егор Коваленколар.
Бырааһынньыктааҕы дьоро киэһэҕэ «Ойуун» синтез-тыйаатыр, эквилибрист-жонглер идэтин баһылаабыт Пантелеймон, Анастасия, Тимур Габышевтар дьиэ кэргэттэрэ, дрессировщик Екатерина, Анастасия Никифоровтар, фокусник-иллюзионист Дмитрий Колосов уонна Александра Николаева, Мария Жиркова дрессоровкаламмыт хотугу кыыллара, жонглёрдар, акробаттар, «Арктик цирк» оҕо устуудьуйатын иитиллээччилэрэ (салайааччы Марианна Еремеева) кыттыахтара.
«Колесо смелости» экстремальнай нүөмэр, «Древо жизни» каучук, «Ляосинь» жонглердар нүөмэрдэрэ, акробаттар «Скакалка», «Мачты» трюктара, о.д.а. көрөөччүнү сөхтөрүөхтэрэ. «Трио циклопы» салгын жонглердара, норуоттар икки ардыларынааҕы бэстибээллэр призердара урут ким да толоро илик нүөмэрин аан бастаан көрдөрүөхтэрэ.
Канаатынан хаамааччылар Таалай күөлү үрдүнэн канаатынан хаампыт Владимир Степанов кыттыылаах «Стерхи» нүөмэрдэрэ көрөөччүнү кэрэхсэтэрэ саарбаҕа суох.
Цииркэ дириэктэрэ Сергей Расторгуев саха национальнай үнүстүрүмүөннэригэр оонньоон иһитиннэриэҕэ. Бу үнүстүрүмүөннэри маастар Баһылай Атласов оҥорбут.
Маны тэҥэ, цииркэ балета уонна оркестр тыыннаах муусуката киэһэни киэргэтиэхтэрэ.
Биэчэри иилээн-саҕалаан ыытыахтара Виктория Михайлова уонна Евгений Прокопьев. Туруорааччы-режиссер — РФ, СӨ үтүөлээх артыыһа, цииркэ дириэктэрэ уонна уус-уран салайааччыта Сергей Расторгуев, СӨ ускуустубатын үтүөлээх диэйэтэлэр, цииркэ режиссера Мария Харлампьева-Попова.
Бытарҕан тымныыга быычыкаайык чыычаахтар тоҥмокко, ас көрдөөн букунайалларын көрөн, аһына саныыбын. Хайдах тоҥон, үлүйэн хаалбаттара…
Бүгүн Үөһээ Бүлүүттэн ааҕааччыбыт, элбэх ырыа куонкуруһун кыайыылааҕа, ырыаһыт Ариан Федоров үүнэр 2026 сылы көрсө…
Өспөххө "Кубок знатоков наслега" бырайыак быйылгы оонньуута түмүктэннэ. Бу күн түөртүү киһилээх 6 хамаанда бары…
Аҕа дойду уоттаах сэриитин бэтэрээнин, Саха сирин Бочуоттаах олохтооҕун, 101 саастаах Наум Трифонович Слепцову кэлэн…
Ыалдьыты былыр үөрэ-көтө айдааран көрсүбэттэр этэ. Хайдах киһи дьиэҕэ киирбитин дьиэлээх тойон ороҥҥо сытан тута…
Садын оройуонун (билиҥҥитэ Мииринэй) Ботуобуйа сирэ-дойдута былыр былыргыттан дьон аймах сөбүлээн олохсуйбут сирэ буолар. Олохтоохтор…