Саха дизайнера Казахстан бэстибээлигэр кыайда

Саха сириттэн төрүттээх дизайнер Изабелла Дордосова Казахстаҥҥа ыытыллар Comic Con Astana норуоттар икки ардыларынааҕы бэстибээлгэ кыттан бастакы миэстэни ылла.

Comic Con бэстибээл биир сүрүн тэрээһининэн комикс, аниме, компьютер оонньуутун, киинэ дьоруойдарын уобараһын үтүгүннэрии күрэҕэ буолар. Быйылгы күрэх бирииһин пуондата 10 млн тенге (2 млн солк кэриҥэ).

Изабелла Дордосова Лилит диэн ааттаах Diablo IV компьютернай оонньуу дьоруойун оҥорон таһаарбыт.