Саха Өрөспүүбүлүкэтигэр Аҕа күнүнэн Ил Дархан Айсен Николаев эҕэрдэтэ

Share

Ытыктабыллаах Саха сирин олохтоохторо!

Саха Өрөспүүбүлүкэтин салалтатын уонна тус бэйэм ааппыттан Саха Өрөспүүбүлүкэтигэр Аҕа күнүнэн ис сүрэхпиттэн эҕэрдэлиибин!

Бу бырааһынньык оҕо дьиэ кэргэн, төрөөбүт өрөспүүбүлүкэбит, дойдубут тирэҕэ буола улаатарыгар дьиэ кэргэн олоҕор, оҕону иитиигэ аҕа сүҥкэн суолтатын билинии буолар.
Киһи олоҕор аҕа холобура быһаарар суолталаах. Улуу Моцарт эппитинии – Таҥара кэнниттэн аҕа кэлэр. Кини аҕата генийи иитэн таһаарбыт.

Оҕотун иитэригэр аҕа дьиҥнээх эр киһини иитэн таһаарыам, барыга-бары дьоҕурдаах, барыны-бары сатыыр буоларыгар, бэйэтин ис кыаҕын арыйарыгар көмөлөһүөм диэн бүк эрэллээх.
Аҕа күннээҕи олоҕор хайдаҕын оҕолоро көрөн улааталлар, холобур оҥостоллор. Оҕо санаатыгар кини аҕата – хорсун-хоодуот герой, суон дурда, халыҥ хахха. Оттон сааһырдаҕына – мындыр өй, үтүө доҕор уонна сүбэһит. Оҕо сылдьан кини истиҥ тапталынан араҥаччылана сылдьыбыппыт курдук, аҕаларбытыгар эмиэ биһиги амарах сыһыаммыт эрэйиллэрин улаатан баран көрөбүт. Оччотугар оҕо сылдьан ылбыт тапталбытыгар сылаас сыһыаммытынан хардарар кэммит үүммүт.

Аҕа – көнө майгы-сигили, үрдүккэ дьулуур холобура, үтүөҕэ бастакы уһуйааччы-такайааччы. Ыал иллээх, уйгулаах олоҕун төрдө. Аҕа кыыс оҕо да, уол оҕо да киһи быһыытынан сайдалларыгар уонна сүһүөхтэригэр туралларыгар биир тэҥ дьоһун оруоллаах. Уол оҕону бэйэ оҥорбут дьыалатыгар эппиэтинэһи сүгэргэ, дьахтарга ытыктабыллаах сыһыаҥҥа, Ийэ дойдуну муҥура суох таптыырга үөрэтэр. Оттон кыыс оҕону бэйэ кыаҕар эрэнэргэ, бэйэни ытыктыырга, бэйэ дьиэтин-уотун, дьиэ кэргэнин, төрөөбүт алааһын таптыырга уһуйар.
Анал байыаннай дьайыы хайдахтаах курдук аҕалардаахпытын, хайдахтаах курдук уолаттары саха эр дьоно иитэн таһаарбыттарын көрдөрдө. Эр санаалаах, эркин курдук эрэллээх, хорсун-хоодуот патриоттары, Аҕа дойду дьиҥнээх көмүскээччилэрин!
Биһиги өрөспүүбүлүкэбитигэр аҕалар хамсааһыннара тэнийбитэ ыраатта. Сылын ахсын өрөспүүбүлүкэ аҕалара уонна уолаттара “Аҕа күрэҕэр” куоталаһаллар, бу күрэхтэһии кэрэхсэнэн, өрөспүүбүлүкэ бары муннуктарыгар киэҥник тарҕанна. 2021 сылтан “Сыл аҕата” өрөспүүбүлүкэтээҕи куонкурус ыытыллар. Муниципальнай оройуоннарга уонна куорат уокуруктарыгар Аҕа сылын биллэрэллэр. Үөрэнээччилэри патриотизм тыыныгар иитэр, уолаттары өй-санаа, эт-хаан өттүнэн сайыннарар сыалтан 2023 сылтан “Уол оҕо күрэҕэ” Саха Өрөспүүбүлүкэтин Ил Дарханын кубога успуорка өрөспүүбүлүкэтээҕи күрэхтэһиилэр ыытыллыахтара.

Күндү аҕалар! Бүгүн байыаннай дьайыылар ыытылла турар кэмнэригэр эһиги бочуоттаах үтүө аналгыт хас да харыс үрдээтэ. Эһигини кытаанах санааланарга, дьиэ кэргэҥҥит, төрөөбүт өрөспүүбүлүкэҕит, улуу Россия эрэллээх эркиннэрэ, көмүскээччилэрэ буоларга ыҥырабын!
Барыгытыгар доруобуйаны, этэҥҥэ буолууну, дьолу-соргуну, ситиһиини баҕарабын!

Саха Өрөспүүбүлүкэтин Ил Дархана А.С. Николаев.

What’s your Reaction?
+1
0
+1
0
+1
0
+1
0
+1
0
+1
0
+1
0

Recent Posts

  • Сонуннар
  • Уопсастыба

Элбэх оҕолоох ыалларга өйөбүл туһунан

Саха сирин Ил Дархана элбэх оҕолоох ыаллары социальнай өттүнэн өйүүр эбии миэрэлэр тустарынан ыйаахха илии…

35 минут ago
  • Сонуннар
  • Уопсастыба

Бэс Күөлүгэр сэргэх тэрээһин дьону-сэргэни түмтэ

Бэс Күөлүгэр сэргэх тэрээһин буолла.  Нэһилиэк баһылыга Айсен Егорович Павлов үөрүүлээх тэрээһиҥҥэ мустубут дьону эҕэрдэлээтэ…

1 час ago
  • Интэриэһинэй
  • Сонуннар

Астрологтар этэллэринэн

Маннык эмиэ этэллэр эбит. Биһиги дьылҕабыт зодиакпыт бэлиэтиттэн эрэ буолбакка, нэдиэлэ ханнык күнүгэр төрөөбүппүтүттэн эмиэ…

2 часа ago
  • Сонуннар
  • Чэгиэн

Өрөспүүбүлүкэтээҕи харах балыыһатын стационарнай отделениета аһылынна

Ил Дархан Айсен Николаев харах балыыһатын стационарнай отделениета аһыллыытыгар, тэрилтэ өрөспүүбүлүкэҕэ доруобуйа харыстабылын сайдыытыгар ситиһиилээх…

3 часа ago
  • Сонуннар
  • Спорт

Муома бөҕөһө Арассыыйа сүүмэрдэммит хамаандатыгар киирдэ

Халыма-Индигиир улуустарын уокуругуттан үгүс спортсмен араас көрүҥнэргэ ситиһиилэрдээхтэр.  Ол курдук, бу күннэргэ Муоматтан төрүттээх бөҕөс…

3 часа ago
  • Сонуннар
  • Уопсастыба

Дьокуускайга дьон маассабайдык сынньанар сирин быһаардылар

Бу сирдэргэ хаһан баҕарар сылдьыахха сөп, ол эрээри кутаа уотун оттор көҥүллэммэт. Дьокуускайга Кангаласс түөлбэтигэр…

4 часа ago