Саха эстрадатын чаҕылхай сулуһа Лэкиэс күн сириттэн күрэннэ

Бу дьыл алтынньы 20 күнүгэр, ыарахан ыарыыттан соһуччу, аныгы саха эстрадатын биир чаҕылхай бэрэстэбиитэлэ, ырыаһыт, айааччы, Саха Өрөспүүбүлүкэтин култууратын үтүөлээх үлэһитэ, култуура туйгуна Иннокентий Михайлович Гаврильев-Лэкиэс олохтон туораата.

Иннокентий Гаврильев-Лэкиэс киэҥ эйгэҕэ биллибит бастыҥ ырыалар ааптардара, дьүрүлү таҥааччы быһыытынан норуот тапталын ылбыта. Бу хомолтолоох сураҕы кини чугас доҕотторо иһитиннэрдилэр. «Лэкиэспит төрөппүттэригэр, дьиэ кэргэнигэр, аймахтарыгар, кини сүдү айар талааныгар сүгүрүйээччилэргэ дириҥ кутурҕаммытын тиэрдэбит. Доҕорбут сырдык мөссүөнэ, иэйэн-куойан, айан-тутан хаалларбыт чаҕылхай ырыалара саха омук өйүгэр-сүрэҕэр өрүү тыыннаах буолуохтара», — диэн доҕотторун суругар этиллэр.