Саха киинэтэ Даккаҕа ыытыллыбыт бэстибээлгэ ситиһиилэннэ

Саха сирин режиссера Михаил Лукачевскай устубут «Кыталыктаах кырдалым» киинэтэ Бангладеш киин куоратыгар Даккаҕа буолбут норуоттар икки ардыларынааҕы киинэ бэстибээлигэр оҕо бастыҥ киинэтинэн ааттанна. Манна 75 дойдуттан 220 киинэ, ол иһигэр Арассыыйаттан 20 киинэ кытынна диэн ТАСС иһитиннэрэр.

«Кыталыктаах кырдалым» киинэҕэ аҕыс саастаах Ваня диэн уол туһунан көстөр. Кини ийэтэ өлөн баран кыталыкка кубулуйбутугар итэҕэйэр уонна көрсө сатыыр. Киинэни Иван Дьячковскай-Кыталык Уйбаан «Кустугу ситтэрбиэн» диэн сэһэнигэр олоҕуран устубуттара.