Саха сирэ байыаннай эпэрээссийэ кыттыылаахтарыгар гуманитарнай көмөнү тиксэрдэ

Бу өрөбүллэргэ ДНӨ Саха сирин тирэх пуунун байыастара Саха сириттэн сылдьар байыаннай эпэрээссийэ кыттыылаахтарыгар гуманитарнай көмөнү тиксэрдилэр.

“Өрөспүүбүлүкэттэн барбыт гуманитарнай таһаҕаһы Запорожскай хайысханан байыаннай кыраныыссалар тиксиһэр лиинийэлэригэр баар байыаннай чаастар быстах тарҕанан турар пууннарыгар тириэртибит. Биһиги байыастарга бородуукта, күннээҕи туттар малы-салы, эбии тэрили, тиэхэньиичэскэй анал сириэстибэни о.д.а. байыастар ыыппыт сайаапкаларынан малы биэрдибит”, — диэн ДНӨ Саха сирин тирэх пуунун бэрэстэбиитэлэ Владимир иһитиннэрдэ.

Байыаннай чаастарга гуманитарнай көмө туох даҕаны харгыһа суох Саха сиринээҕи координационнай киин кыраапыгынан бара турарын  бэлиэтиир.

“Биһиги байыастар баҕа санааларын иһиттибит, “Саха сиринээҕи котловой собуот” оһохторо блиндажтарга хайдах үлэлии туралларын билистибит. Байыастар тэриниилэрин, штатнай сэптэрин-сэбиргэллэрин көрдөрдүлэр. Туох даҕаны сэмэ суох”, — диэн кини эттэ.

Ил Дархан уонна Бырабыыталыстыба пресс-сулууспата.