Саха сирэ байыастарга «Бэргэн» вездеходтары ыытыаҕа

 Саха сирин Суһал ыстааба бу нэдиэлэҕэ байыаннай дьайыы зонатыгар икки «Бэргэн»  вездеходу ыытыаҕа. Ол туһунан Гражданскай оборуонаҕа уонна  нэһилиэнньэ олоҕор-дьаһаҕар куттал суох буолуутун хааччыйыы дьыалаларыгар  миниистир Дмитрий Лепчиков бүгүн брифиҥҥэ  иһитиннэрдэ.

Бары билэр “Сокол” квадроциклларбытыгар тэҥнээтэххэ,  “БэргэнМото” саха хампаанньатын “Бэргэн” вездеходтара бүтэй сабыылаахтар,  биир  туоннаттан тахса таһаҕаһы уйар кыахтаахтар. Онон, булчуттар уонна балыксыттар олус сөбүлүүр тиэхиньикэлэрин  аны байыаннай усулуобуйаҕа боруобалыахтара.

«Ону таһынан Аҕа дойдуну көмүскээччилэр  күннэригэр  байыаннай дьайыы кыттыылаахтарыгар бэлэхтэр Донецкай уонна Луганскай Өрөспүүбүлүкэлэргэ баар Саха сирин тирэх пууннарыгар толору кээмэйинэн тиэрдилиннилэр. Байыаннай дьайыы кыттыылаахтарын эбии сэбилээһин  дьаһаллара салҕаналлар», – диэтэ миниистир.

СӨ Ил Дарханын уонна Бырабыыталыстыбатын пресс-сулууспата