Быйыл Саха сирэ байыастарга 70-тан тахса тиэхинньикэны ыытта

2023 сылга Саха сириттэн байыаннай дьайыыга 70-тан тахса тиэхинньикэ ыытылынна. Бу туһунан СӨ Гражданскай оборуона дьыалаларыгар уонна нэһилиэнньэ олоҕор-дьаһаҕар куттал суох буолуутун хааччыйар миниистир Дмитрий Лепчиков иһитиннэрдэ.

«Ил Дархан Айсен Николаев сорудаҕынан, өрөспүүбүлүкэ суһал ыстааба байыастарга көмөнү, өйөбүлү оҥорууну салҕыыр. Билигин Саха сирин тирэх пууннарыгар тиэхинньикэ уонна гуманитарнай көмө ыытылла турар. Ону таһынан, бу пууннартан байыастарга аналлаах тэриллэри тиэрдии барар», — диэтэ Дмитрий Лепчиков.