Саха сирэ Биир кэлим куоластааһын күнүгэр бэлэмнэнэр

Балаҕан ыйын 14 күнүгэр ыытыллар Биир кэлим куоластааһын күнүгэр диэри 6 хонук хаалла.

Саха сиринээҕи Киин быыбардыыр хамыыһыйаттан иһитиннэрбиттэринэн, бу күннэргэ учаастактааҕы быыбардыыр хамыыһыйалар (УБХ) чилиэннэрэ быыбардааччылары иһитиннэрэллэр, испииһэккэ бэйэлэрин дааннайдарын бэрэбиэркэлииллэригэр кыах биэрэллэр, быыбар бүлүтүөннэрин бэлэмнииллэр: бэчээт туруораллар, илии баттыыллар, ону таһынан куоластыыр дьиэни тэрийэллэр.

Ону таһынан, балаҕан ыйын 3 күнүттэн УБХ дьиэтигэр-уотугар болдьоҕун иннинэ куоластааһын ыытыллар. Балаҕан ыйын 4 күнүттэн быыбардааччылартан дьиэлэригэр куоластыырга сайаапка тутуллар.

Өрөспүүбүлүкэ үрдүнэн уопсайа 293 учаастактааҕы быыбардыыр хамыыһыйата үлэлиир. Саха сирин быыбардыыр хамыыһыйаларыгар уопсайа 1821 хандьыдааттан докумуон киирдэ, араас таһымнаах 222 быыбар хампаанньата ыытыллар.