Хаартыска: "Буойун" киин филиалыттан
«Буойун» киин аан бастаан ыытар «Буойун суола» байыаннай-тактическай күрэхтэһиитин финалыгар Саха сирин, Волгоград уобалаһын, Хабаровскай кыраай, Тюмень уобалаһын хамаандалара киирдилэр. Күрэхтэһии Дьокуускайга балаҕан ыйын 15-21 күннэригэр ыытыллар.
Саха сирин хамаандатын ситиһиитинэн Ил Дархан Айсен Николаев эҕэрдэлээтэ.
—Саха сирин хамаандата бары кыттааччылартан бастыҥ бириэмэни көрдөрдө уонна түөрт күүстээх хамаанда иһигэр киирдэ, кинилэр балаҕан ыйыгар Дьокуускайга турнирга көрсүөхтэрэ диэн киэн туттан иһитиннэрэбин. Бу кыайыы биһиги хамаандабыт бэлэмнэниитин таһымын, түмсүүлээхтэрин көрдөрдө. Бырайыак олоххо киириитигэр көҕүлээбит РФ Бырабыыталыстыбатын бэрэссэдээтэлин солбуйааччыта Юрий Трутневка махтал ураты тылларын тиэрдэбин. «Буойун суола» патриотическай иитиини сайыннарыыга, биир санаалаах, түмсүүлээх, сомоҕолоһуулаах хамаандалаах буолууну үөскэтиигэ көмөлөһөр. Саха сирин хамаандатын чаҕылхай ситиһиитинэн эҕэрдэлиибин уонна түмүккэ эрэллээхтик кытталларыгар баҕарабын, — диэн социальнай ситимҥэ Айсен Николаев бэлиэтээтэ.
Курсааннар тоҕус уустук тургутан көрүүнү аастылар: «Передвижение на поле боя», «Разминирование тропы», «Преодоление зараженного участка местности», «Стрельба из пневматической винтовки по мишени», уо.д.а.
—Бары хамаандалар үчүгэй бэлэмнээхтэрин көрдөрдүлэр. Бу курсааннарга көннөрү күрэхтэһии эрэ буолбакка, олох дьиҥнээх оскуолатынан буоларын сэргэ кинилэринэн киэн туттар кыахтаахпытын көрдөрдө. Өйөбүл, сомоҕолоһуу, түмсүүлээх буолуу сиригэр бигэ хамаанда буоллулар. Саха сиригэр буолар күрэскэ финалистар эрэгийиэннэрин аатын үрдүк чиэстээхтик көмүскүүллэригэр баҕарабын, — диэтэ «Буойун» киин хамандыыра, Арассыыйа Дьоруойа, «Дьоруойдар кэмнэрэ» бырагыраама кыттыылааҕа Андраник Гаспарян.
Сиһилии: https://www.sakha.gov.ru/news/10901
СӨ Ил Дарханын уонна Бырабыыталыстыбатын пресс-сулууспата
Хаартыска: «Буойун» киин филиалыттан
Бырабыыталыстыба отчуота Муома улууһугар Кулун Өлбүттэн бүгүн, олунньу 2 күнүттэн, саҕаланна. Вице-премьер Георгий Степанов салайар…
Саха сиригэр устудьуоннар оҥорбут бастакы спутниктара — «Чолбон» аппараат космоска тахсан, Сир үрдүнэн 510-550 килэмиэтир…
Олунньу 2 күнүгэр Дьокуускайга Арассыыйатааҕы Буойун албан аатын күнүн бэлиэтиир өйдөбүнньүк тэрээһиннэр ыытылыннылар — бу…
Олунньу 2 күнэ -- Сталинграды босхолооһун күнэ. Бу Сэбиэскэй Аармыйа ситиспит Улуу Кыайыыта бүтүн аан…
Аатырбыт "Алеша" Танк экипаһын хамандыыра, Арассыыйа Дьоруойа Александр Сергеевич Леваков байыаннай дьайыы саҕаланыаҕыттан Саха сириттэн…
Олунньу 2 күнэ - Арассыыйаҕа Сталинград кыргыһыытыгар Сэбиэскэй аармыйа ньиэмэс-фашист күүстэрин үлтүрүппүт бэлиэ күнэ. Сталинград…