С.Скрябин, ЯСИА
Бииргэ үлэлэһии боппуруостарын Айсен Николаев уонна Илиҥҥи байыаннай уокурук сэриилэрин хамаандалааччыны солбуйааччы – байыаннай-политическай управление начаалынньыга, генерал-лейтенант Роман Греков дьүүллэстилэр.
Саха сирин баһылыга ыалдьыкка өрөспүүбүлүкэтээҕи Фашизмы утары пуоруму тэрийиигэ көмөтүн иһин махтанна. Чуолаан, Илиҥҥи байыаннай уокурук салалтатыгар биһиги байыастарбыт урусхаллаабыт өстөөх трофейнай бронетиэхиньикэтин быыстапкатын арыйыыга көмөтүн иһин махтанна. Байыаннай дьайыы зонатыттан Дьокуускайга 4 бронетранспотеру уо.д.а. аҕалбыттар. Бу туһунан sakha.gov.ru суруйар.
“Бу экспозиция – Арассыыйа буоуйуттарын күүстээх санааларын уонна дэгиттэр идэтийиилэрин туоһута. Хас биирдии тиэхиньикэ биһиги байыастарбыт хорсун быһыыларын туоһулуур”, — диэтэ Айсен Николаев. Салайааччылар байыаннай сулууспалаахтары өйөөһүн, гуманитарнай уонна психологическай көмөнү сайыннарар туһунан кэпсэттилэр.
Роман Греков былаас бары таһымын уонна Саха сирин уопсастыбаннаһын РФ Сэбилэниилээх Күүстэрин өйүүр үлэлэрин үрдүктүк сыаналаата.
“Волонтердарга уонна уопсастыбаннай тэрилтэлэргэ, өрөспүүбүлүкэ салалтатыгар махтанабын. Сэбилэниилээх Күүстэр кэккэлэригэр ыҥырыллыбыт үгүс биир дойдулааххыт дойду киэн туттуутунан уонна холобурунан буолаллар. Арассыыйа Федерациятын 12 дьоруойа – ону кэрэһилиир”, — диэтэ генерал-лейтенант.
Кэбээйи улууһун суутун уурааҕынан оройуон биир нэһилиэгин олохтоохторо РФ Холуобунай кодексатын 166 ыстатыйатын 2 чааһын…
Бүгүн СӨ Киин быыбардыыр хамыыһыйатын бэрэссэдээтэлэ Евгений Федоров М.К. Аммосов аатынан ХИФУ үөрэтэр научнай киинин…
Билигин үгүс киһи чугас дьоммутугар Саҥа дьылга тугу бэлэхтиибит диэн толкуйдаах сылдьар буолуохтаах. Саҥа дьылга…
СӨ Үп министиэристибэтин кэлэктиибэ байыаннай дьайыы бэтэрээнин, «Саха сирэ – Дьоруойдар дойдулара» бырагыраама кыттыылааҕын, билигин…
"Саҕынньахтаах селедка" салааты Саҥа дьылга сөбүлээн оҥоробут. Ол эрээри, бу салааты атыннык эмиэ оҥоруохха сөп…
Ырыаһыт Виталий Очиров хатыыс хабаҕынан туһаныы туһунан видеота социальнай ситимнэринэн тарҕанна.