Саха сирэ сыыппара сайдыытын эко-эйгэтигэр Арассыыйаҕа топ-10 иһигэр киирдэ

Саха сирин Ил Дархана Айсен Николаев МАХ мессенджеригэр өрөспүүбүлүкэ сыыппара (цифровой) сайдыытын эко-ситимигэр дойдуга уон иһиэр киирбитин туһунан иһитиннэрдэ.  РФ субъектарын сыыппара өттүнэн сайдыытын рейтинигэр эрэгийиэннэргэ сыыппара ситимин индексинэн (ИЦЭР) Саха сирэ 10-с миэстэни ылла.

“Бу инновацияны олоххо киллэрии ситимнээх үлэтин уонна өрөспүүбүлүкэ олохтоохторугар ураты сыыппара сервиһин оҥорууну бигэргэтэр”, — диэтэ Айсен Николаев.

“Технологичность” параметрынан Москва уонна Татарстаан кэнниттэн Саха сирэ Арассыыйаҕа үһүс миэстэлэннэ. Ону тэҥэ өрөспүүбүлүкэ “глубина электронных сервисов” критерийгэ топ-10 эрэгийиэн иһигэр киирдэ.

“Медицинский помощник” диэн оҕолоох ыалларга көмөлөһөр сервиһинэн киэн туттуохха сөп. Бу дойдуга сыыппара 20 бастыҥ практикатын иһигэр ааттанна.

“Бары сыыппара кэскилин торумнуубут уонна хас биирдии Саха сирин олохтооҕун олоҕун табыгастаах оҥоробут”, — диэтэ кини.

Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата

Сиһилии: https://www.sakha.gov.ru/news/12308