Хаартыска: Мария Васильева (СИА).
Өрөспүүбүлүкэҕэ 2024 сылга биирдиилээн киһиэхэ уонна нэһилиэнньэ сүрүн социальнай-демографическай бөлөхтөрүнэн тиийинэн олоруу алын кээмэйэ быһаарылынна.
2023 сылы кытта тэҥнээтэххэ, көрдөрүү, ортотунан, өрөспүүбүлүкэҕэ 6,1 % эбиллибит. Туһааннаах быһаарыыны бүгүн, атырдьах ыйын 24 күнүгэр, Андрей Тарасенко бэрэссэдээтэллээх СӨ Бырабыыталыстыбатын мунньаҕар ылыннылар. Саха сиригэр кэлэр сылга тиийинэн олоруу алын кээмэйэ маннык: нэһилиэнньэ дууһатыгар тиксэр ахсаана – 23 034 солк., үлэлиир нэһилиэнньэҕэ – 25 107 солк., биэнсийэлээхтэргэ – 19 809 солк., оҕолорго – 23 598 рублей.
Арктика улуустара киирэр I бөлөххө нэһилиэнньэ дууһатыгар тиксэр ахсаана 26 950 солк. тэҥнэһэр, үлэлиир дьоҥҥо – 29 375 солк., биэнсиэйэлээхтэргэ – 23 177 солк., оҕолорго – 27 610 солк.
Киин улуустар уонна Дьокуускай куорат киирсэр II бөлөххө нэһилиэнньэ дууһатыгар тиксэр ахсаана 22 573 солк., үлэлиир дьоҥҥо – 24 605 солк., биэнсийэлээхтэргэ – 19 413 солк., оҕолорго – 23 126 солк. ьАаспыт сылы кытта тэҥнээтэххэ, биирдиилээн киһиэхэ өрөспүүбүлүкэҕэ 6,1 % эбэтэр 1 328 солк. эбиллибит.
Санатан эттэххэ, тиийинэн олоруу алын кээмэйэ кыра дохуоттаах дьоҥҥо судаарыстыбаннай социальнай көмөнү уонна эрэгийиэннээҕи социальнай бырагыраамалары оҥорууга, олоххо киллэриигэ өрөспүүбүлүкэ нэһилиэнньэтин олоҕун таһымын сыаналыырга туһаныллар.
Ил Дархан уонна Бырабыыталыстыба пресс-сулууспата.
2025 сылга араас таһымнаах быыбардарга байыаннай дьайыы 890 кыттыылааҕа мандааттаах ылбыт. Бу туһунан «Биир ньыгыл…
Бүгүн, ахсынньы 16 күнүгэр, Дьокуускайга 1–8-с кылаас үөрэнээччилэригэр актированнай күн биллэрилиннэ. Бу туһунан киин куорат…
Cаха сирин синоптиктарын билгэлэринэн бүгүн, ахсынньы 16 күнүгэр, хоту оройуоннарынан хаардыыр. Эдьигээн улууһугар сөкүүндэҕэ 9-14…
Бүгүн Дьокуускайга «Патриот» ыччат киинин үөрүүлээх аһыллыыта буолан ааста. Бу аныгы кэм ыччатын сайдар, үүнэр,…
Бүгүн Саха сиригэр бастакы Уһук Илиҥҥэ биир бөдөҥ элбэх функциялаах «Патриот» ыччат киинэ үөрүүлээх быһыыга-майгыга…
Бүгүн Саха сиригэр бастакы элбэх функциялаах «Патриот» ыччат киинэ аһылынна. Бу киин Уһук Илиҥҥэ биир…