Саха сиригэр аан дойдутааҕы таһымнаах бырайыактар олоххо киирэллэр

Өрөспүүбүлүкэ бырамыысыланнас салаатыгар дойдуга инники күөҥҥэ сылдьар. Бу туһунан Ил Дархан Айсен Николаев “Быһа эпииргэ” бэлиэтээтэ.

— Быйыл бастакы кыбартаалга бырамыысыланнас салаатыгар көрдөрүү 10 % улаатта. Сир баайын хостооһуҥҥа биһиги өрүү инники күөҥҥэ сылдьыбыппыт эрээри, быйыл көмүһү хостооһуҥҥа аан бастаан дойдуга иккис миэстэҕэ таҕыстыбыт, чоҕу хостооһуҥҥа — үһүс, ньиэпкэ уонна гааска — бэһис миэстэҕэ сылдьабыт.

Өрөспүүбүлүкэҕэ  креативнай индустрия тэтимнээхтик сайдар. Ол эбэтэр Саха сиригэр  эрэ буолбакка, Уһук Илин сайдыытыгар эмиэ сыһыаннаах кэскиллээх бырайыактары олоххо киллэрэбит.  Билигин  энергетикэни сайыннарыы уонна муоста тутуутун соруга турар. Маны таһынан, Ил Дархан суолталаах тутуулары бэлиэтээтэ. Ол курдук, Новоленскай ТЭЦ, Нерюнгритээҕи ГРЭС саҥардылла, Уус Куйгааҕа аччыгый кыамталаах  атомнай ыстаансыйа, Найбаҕа өрүс пуорда тутулла тураллар, — диэн бэлиэтээтэ Ил Дархан Айсен Николаев.