Саха сиригэр милитаристыы Японияны Кыайыы күнүн уонна Аан дойду иккис сэриитэ бүппүтүн киэҥник бэлиэтиэхтэрэ

Быйылгы сыл Улуу Кыайыы 80 сыла эрэ буолбатах, өссө милитаристыы Японияны Кыайыы уонна аан дойду иккис сэриитэ бүппүтүн 80 сыла.

Бу суолталаах даата биһиги дойдубутугар балаҕан ыйын 3 күнүгэр бэлиэтэниэ, диэн иһитиннэрэр Ил Дархан, бырабыыталыстыба пресс-сулууспата.

Дьокуускайга бүгүн, балаҕан ыйын 2 күнүгэр, 12:00 чааска Кыайыы Пааркатыгар “Дьокуускай – Килбиэннээх үлэ куората” Мемориальнай комплект таһыгар «Эхо Победы: помним, гордимся, чтим» өрөгөйдөөх тэрээһин буолуоҕа. Эмиэ бу күн Кыайыы болуоссатыгар “Огни Победы” Бүтүн Арассыыйатааҕы аахсыйа уонна бэтэрээннэр олорор сирдэринэн “Поём двором” патриотическай аахсыйа ыытыллыахтара.

Балаҕан ыйын 3 күнүгэр 09:30 чааска Кыайыы болуоссатыгар “Сад памяти” аахсыйанан мас олордуохтара. 12.00-16.00 чааска куорат сүрүн болуоссаттарыгар волонтердар “Дальневосточная Победа” аахсыйанан муаровай лиэнтэлэри түҥэтиэхтэрэ.

Бырааһынньык күннэригэр сүрүн болҕомто бэтэрээннэргэ туһаайыллыаҕа. Өссө ханнык тэрээһиннэр буолалларын бу сигэнэн киирэн билис.