Бэс ыйын 4 күнүгэр Саха сирин Киин быыбардыыр хамыыһыйатын мунньаҕа ыытылынна.
Сахамин Миланович Афанасьев Халыма-Индигиир биир мандааттаах быыбардыыр уокуруктан болдьоҕун иннинэ норуот дьокутаатынан боломуочуйата тохтообутунан, бу сыл балаҕан ыйын 8 күнүгэр норуот дьокутаатын талыыга биир кэлим куоластааһын күнэ ананна.
34 №-дээх Халыма-Индигиир биир мандаттаах быыбардыыр уокурукка Саха сирин 5 оройуоннун территорията киирэр, ол иһигэр Абый, Үөһээ Дьааҥы, Муома, Өймөкөөн уонна Орто Халыма.
Саха сирин Киин быыбардыыр хамыыһыйатын чилиэттэрэ Халыма-Индигиир биир мандаттаах быыбардыыр уокурукка норуот дьокутаатын талыыга биир кэлим куоластааһын күнүгэр, балаҕан ыйын 8 күнүгэр, быыбары ыытар тэрээһиннэри бэлэмнээһиҥҥэ дьаһаллар торумнарын бигэргэттилэр.
Хандьыдааттары регистрациялааһын 30 күн устата (олохтоох бириэмэнэн киэһэ 18:00 чааска диэри) официальнайдык быһаарыы бэчэтээммитин кэнниттэн эбии быыбары аныыр туһунан быһаарыы ылыллыаҕыттан саҕаланар. Норуот дьокутаатын быыбарыгар баартыйалар испииһэктэрэ бигэргэтилиннэ, манна илии батааһыннары хомуйар ирдэммэт: «Биир ньыгыл Арассыыйа», РФКП, «Новые люди», ЛДПР, Сиэрдээх Арассыыйа – Патриоты – За правду, Родина, Арассыыйа хомуньуустара.
Итини кытта бэйэ туруорунууга муҥутуур элбэх илии батааһыннары хомуйуу ахсааныгар уураах ылылынна. Ол курдук, хандьыдааты регистрациялыырга наадалаах илии баттааһынын ахсаана — 620, онуоха уокуруктааҕы быыбардыыр хамыыһыйатыгар бэриллибит илии баттааһынын ахсаана 682 куоһарыа суохтаах. Илии баттааһыннарын хомуйуу сорох чааһа ЕПГУ судаарыстыбаннай портал нөҥүө ыытыллыан сөп. Судаарыстыбаннай портал нөҥүө илии батааһыннарын муҥутуур ахсаана — 124. Уокуруктааҕы быыбар хамыыһыйатын боломуочуйата Абыйдааҕы территориальнай быыбардыыр хамыыһыйатыгар (бэрэссэдээтэл Новикова Е. П.) сүктэрилиннэ диэн Киин быыбардыыр хамыыһыйа пресс-сулууспата иһитиннэрэр.
Хаҥалас улууһун 1-кы Малдьаҕар нэһилиэгин олохтоохторо ааспыт өрөбүллэргэ бэлиэтэммит "Нэһилиэк күнүгэр" бэртээхэй сонуну истэн үөрдүлэр.…
Бу күннэргэ Амма улууһун баһылыга Степан Кузьмин кыстыкка киириигэ бэлэмнэнии чэрчитинэн улуус киинин хочуолунайдарын туруктарын…
Таатта Харбалааҕар Аҕа дойду Улуу сэриитигэр кыайыы 80 сыллаах үбүлүөйүн көрсө бэлэмнэнии үлэ саҕаланна. "Дьоһуннааҕы…
Бүгүн СӨ Урбааҥҥа, атыыга-эргиэҥҥэ уонна туризмҥа миниистирэ Тимур Ханды министиэристибэ үлэһиттэригэр «Туризмы сайыннарыы уонна территориальнай…
Балаҕан ыйын 14 күнүгэр "Мукучу нэһилиэгэ" МТ баһылыга Николай Иванович Левин, "Сарыал" түөлбэ салайааччыта Анна…
Нам улууһун баһылыга Юрий Слепцов анал дьаһалынан улуус социальнай-экэнэмиичэскэй сайдыытын пуондатын бырабылыанньата халаан уутуттан эмсэҕэлээбит…