Хаартыскаҕа Андрей Сорокин түһэриитэ, СИА
«Куттала суох хаачыстыбалаах суоллар» национальнай бырайыак иитинэн, Саха сиригэр быйыл 175 км итэҕэһэ суох айан суола өрөмүөннэнэн үлэҕэ киириэҕэ.
Бу туһунан СӨ бырабыыталыстыбатын бэрэссэдээтэлин бастакы солбуйааччыт Дмитрий Садовников мунньахха иһитиннэрдэ. Манна даҕатан эттэххэ, РФ Бэрэсидьиэнэ Владимир Путин көҕүлээбит «Куттала суох хаачыстыбалаах суоллар» национальнай бырайыагынан суолу тутуу үлэтэ тиһиктээхтик уонна тэтимнээхтик салҕанар.
-2024 сылга национальнай бырайыагынан 175 км айан суолун өрөмүөннээн үлэҕэ киллэрии былааннанар. Ол иһигэр 144,34 км эрэгийиэн суола уонна 31 км Дьокуускай куорат. Манна федеральнай бүддьүөттэн 8 млрд солк. көрүллүө, ол иһигэр 6 млрд эрэгийиэн суолун уонна 2 млрд өрөспүүбүлүкэ киин куоратын суолун оҥорууга», — диэн иһитиннэрэр бастакы вице-премьер.
Бүгүҥҥү күн туругунан эрэгийиэн суолун-ииһин оҥорууга 18 хантараак, Дьокуускай суолун оҥорууга — уон тоҕустан 13 хантараак түһэрсиллибит.
Эрэгийиэн суолугар-ииһигэр үлэҕэ киллэрэргэ былааннаммыттар ортолоругар — «Амма», «Умнас», «Нам», «Мухтуйа» уонна «Дьааҥы» айан суолларын учаастактара. Дьокуускай куоракка Можайскай уулуссатыгар саҥалыы уларытан оҥоруу үлэтэ Пилоттар уулуссаларыттан Строд уулуссатыгар диэри учаастакка түмүктэнэрэ былааннанар. Бу уулуссаҕа өссө Севастопольскайтан Автострада Өктөөп 50 сыла учаастакка диэри суолга хапытаалынай өрөмүөн оҥоһуллуо. Маны таһынан, Винокуров уулуссатыгар Ильменскэйтэн Чайковскайга, Бестужев-Марлинскай уулуссатыгар Богдан Чижик-Кальвица учаастактара, уо.д.а. саҥардыллыахтара.
Санатан эттэххэ, 2023 сылга 431,48 км суолга үлэ ыытылынна. Ол иһигэр, 46,6 км федеральнай, 270,13 км эрэгийиэн, 115 км олохтоох суолталаах суол-иис оҥоһулунна. Национальнай бырайыак иитинэн, 299,65 км суол бүрүөһүнэ оҥоһулунна, итинтэн 270 км эрэгийиэн суолталаах айан суолугар, 29 км Дьокуускай куоракка. Саха сирэ суол бүрүөһүнүн оҥорууга бүгүҥҥү күҥҥэ Уһук Илиҥҥэ 1 миэстэни ылар, дойду атын эрэгийиэннэрин ортотугар уон ахсыс сылдьар.
Сиһилии https://www.sakha.gov.ru/news/front/view/id/3384864 көрүөххэ сөп.
СӨ Ил Дарханын уонна Бырабыыталыстыбатын пресс-сулууспата
Дьокуускай куорат борокуратуурата киин куорат икки олохтооҕун туһунан судаарыстыбаннай буруйдааһыны өйөөтө. Кинилэр РФ ХК 126-с…
Бүгүн, ахсынньы 20 күнүгэр, Дьокуускай куоракка өрөспүүбүлүкэ бары муниципальнай оройуоннарыттан уонна куорат уокуруктарыттан 8-11 кылаас…
Дойдутааҕы МАХ мессенджергэ 75 мөлүйүөн туһанааччы бэлиэтэннэ. Платформа пресс-сулууспата иһитиннэрбитинэн, ахсынньыга сервиһи ортотунан суукка аайы…
Саҥа дьыллааҕы бырааһынньыктар иннинэ түөкүттэр былаас аатыттан сымыйа төлөбүрдэринэн уонна «бэлэхтэринэн» албынныыр ньыманы көхтөөхтүк туһанан…
Ахсынньы 20 күнүгэр Дьокуускайга «Спортивнай» түөлбэҕэ элбэх хайысхалаах успуорт саалатын үөрүүлээх аһыллыыта буолла. СӨ Ил…
Ахсынньы ыйыгар Саха сиригэр кыһыҥҥы суоллар аһыллыбыттарын үрдүнэн, улуустар икки ардыларынааҕы таксыы сыанатыгар биллэр-көстөр чэпчэтии…