Хаартыска Ил Дархан уонна Бырабыыталыстыба саайтыттан
Ааспыт сыл түмүгүнэн өрөспүүбүлүкэҕэ чоҕу хостооһун 26%, оттон таска таһаарыы 23% үрдээтэ диэн СӨ бырамыысыланнаһын уонна геологиятын миниистирэ Максим Терещенко иһитиннэрдэ.
«Тастан кыһарыйыылары аахсыбакка, өрөспүүбүлүкэ чоҕу хостооһуҥҥа уочараттаах бастыҥ көрдөрүүнү ситистэ. Биһиги 39,2 млн тоннаны хостууру ситистибит, ити 2021 с. 26% элбэх. Судаарыстыба, тэрилтэлэр уонна олохтоох каадыр көдьүүстээх бииргэ үлэлээһиннэрин түмүгэр Уһук Илин чоҕу хостооһуҥҥа бастакы миэстэни ылары ситистибит. Инньэ гынан дойду үс бастыҥ-лиидэр эрэгийиэннэрин ортолоругар киирдибит. Оҥорон таһаарыы тэтимнээхтик салгыы бара турар уонна өйөнөр. Тэрилтэ хас биирдии үлэһитэ бүгүн толору кыаҕынан үлэлиир», – диэн миниистир кэпсиир.
Чоҕу таска атыыга таһаарыы эмиэ улаатта. Ол курдук 2022 с. чоҕу илин хайысхаҕа тириэрдии 23% улаатта уонна 26 мөл. туонна буолла.
Санатан эттэххэ, «ЭЛСИ» хампаанньа Тихоокеанскай тимир суолун салгыы тутар, ол Саха сирин уонна Хабаровскай кыраай нөҥүө ааһыа. Бу суол Нерюнгри оройуонугар баар Элгэтээҕи чохтоох бөдөҥ сири уонна Элгэ пуордун холбуо. Быйыл итини таһынан «ЭЛСИ»уонна «Колми» хампаанньалар кэккэ байытар фабрикалары үлэлэтэр былааннаахтар.
СӨ Ил Дарханын уонна Бырабыыталыстыбатын саайтыттан
Бүгүн, Улуу Кыайыы 79 сылын көрсө, «Кыайыы Знамята» аахсыйа чэрчитинэн Наталия Яцышина салайааччылаах Уус-Ньаратааҕы гимназист-волонтердар…
Саха сиригэр эдэр табаһыттар дьиэ тутталларыгар эбэтэр дьиэ атыылаһалларыгар 2 мөл. солк. диэри төлөбүр кээмэйин…
Саха сирин сүүмэрдэммит хамаандатын дзюдоистара Уһук Илин чөмпүйэнээтигэр икки кыһыл көмүс мэтээли ылары ситистилэр. Алина…
Арассыыйаҕа Дьиэ кэргэн уонна Саха сиригэр Оҕо саас сыла Ньурбаҕа бэлиэ түгэнинэн саҕаланна. Ыам ыйын…
Дьокуускайдааҕы кадеттар интэринээт-оскуолатын дириэктэрэ Алексей Корякин патриотизм туһунан санаатын үллэһиннэ. “Патриотизм төрөөбүт дойдуга, дьиэ кэргэҥҥэ…
“Улуу Арыйыылар аартыктарынан” («По пути Великих свершений») бырайыак чэрчитинэн Нуучча Географиятын уопсастыбатын (РГО) Саха сиринээҕи…