Саха сиригэр дьиҥэ элбэх тэрилтэ, хампаанньа, урбаанньыттар маһы бэлэмнээһининэн, таҥастааһынынан дьарыктаналлар. Хаартыска «АЛМАС» тэрилтэ архыыбыттан
Дьоҕус уонна орто урбаан субъектарын ахсаана 44 тыһ. таҕыста.
2025 сыллааҕы туругунан, аччыгый уонна орто урбаан субъектарын ахсаана 44,93 тыһыынчаҕа тиийдэ, бу 2024 сылы кытта тэҥнээтэххэ 1,2% элбэх. Ону таһынан бэйэ дьарыктанар дьон ахсаана эмиэ биллэ улаатта — кинилэр 68,2 тыһыынча киһи буоллулар, бу урукку сылтан 12%-нан үрдүк көрдөрүү. Бу көрдөрүүлэр эрэгийиэҥҥэ урбаан көҕүлээһинэ күүскэ сайдарын уонна дьыалабыай кыах үрдүүрүн бигэргэтэллэр. Өрөспүүбүлүкэ 17 муниципальнай тэриллиитигэр саҥа саҕалыыр урбаанньыттарга өйөбүл оҥорор биисинэс-инкубатордар үлэлэрин салгыыллар.
Билиҥҥи туругунан, кинилэр резиденнэринэн 269 киһи буолар. 2025 сыл бастакы алта ыйын түмүгүнэн инкубатордарга баар тэрилтэлэр киллэриилэрэ 256 мөлүйүөн солкуобайга тэҥнэстэ, оттон кинилэр таһаарбыт үлэ миэстэтин ахсаана 354-кэ тиийдэ.
«Мин биисинэһим» киин эмиэ урбаан сайдыытыгар сүрүн оруолу оонньуур. 2025 сылга киин 17 тыһыынчаттан тахса консультация өҥөтүн оҥордо, ону таһынан улуустарынан көһө сылдьан ыытыллыбыттары киллэрэн туран, 376 үөрэтэр уонна дьыалабыай тэрээһини ыытта. Тэрээһиннэринэн 4 тыһыынчаттан тахса киһи хабылынна. Бу урбааны өйүүр инфраструктура олус наадалааҕын туоһулуур. Өрөспүүбүлүкэ РФ Бэрэсидьиэнэ Владимир Путин көҕүлээбит «Көдьүүстээх уонна күрэхтэһэр кыахтаах экэниэмикэ» национальнай бырайыак чэрчитинэн «Дьоҕус уонна орто урбаан уонна биирдиилээн урбаанньыт көҕүлээһинин өйөөһүн» эрэгийиэннээҕи бырайыагы олоххо киллэриини салгыыр. 2025 сылга бырайыак тэрээһиннэрин ыытарга 10,6 мөлүйүөн солкуобай туһуланна. Национальнай бырайыак саҥардыллыбытынан, урбааны өйүүр сүрүн миэрэлэр хаттаан көрүлүннүлэр. Бастакы уочарат чэпчэтиилээх кирэдьииттээһин хаалар, оттон үрдүкү технологиялар, таҥастыыр производстволар, туризм уонна логистика эйгэтигэр үлэлиир тэрилтэлэргэ ураты болҕомто ууруллар. Дьоҕус уонна орто урбаан корпорацията (АУОК) эрэгийиэн биисинэһин сайыннарыыга туһуламмыт саҥа аадырыстаах бырагыраамалары киллэрэр. Сиһилии www.sakha.gov.ru саайтка ааҕыҥ.
Мииринэй куоракка Ийэ дойду көмүскээччилэрин өйөөн аһымал кэнсиэр тэрилиннэ. Хомуллубут үп-харчы бүтүннүүтэ байыаннай дьайыы кыттыылаахтарыгар…
Усуйаана улууһугар сэлии фаунатын тобохторун хомуйууну уонна эргиниини бэрэбиэркэлиир кэмҥэ, уопсай ыйааһына 20,7 киилэ буолар…
Камчатка кыраайын Елизово куоратыгар пауэрлифтиҥҥэ Уһук Илин федеральнай уокурук чөмпүйэнээтэ ыытылынна. Күрэхтэһии чаҕылхай кыттааччыларын быыстарыгар…
ИДьМ сулууспатын «Дьокуускайдааҕы» 2 №-дээх полициятын отделын дьуһуурунай чааһыгар дьахтар кыбартыыратыттан икки тэлэбиисэри уорбуттарын туһунан…
СӨ Бырабыыталыстыбатын Бэрэссэдээтэлин бастакы солбуйааччы Дмитрий Садовников салайыытынан социальнай эбийиэктэр тутууларын боппуруостарыгар мунньах ыытылынна. Мунньахха…
Сааны бас билээччилэр федеральнай сокуонунан көрүллэр быраабылалары кытаанахтык тутуһуохтаахтар, диэн Росгвардия пресс-сулууспата санатар. Гражданин ханнык…