Хаартыска -- Нам улууһун дьаһалтатын пресс-сулууспата
Депутатскай бөһүөлэгэр Кырдьаҕастарга уонна инбэлииттэргэ аналлаах улуустар икки ардыларынааҕы интэринээт-дьиэ баазатыгар бэйэ килиэбин оҥорон таһаарыы тэрилиннэ диэн «Заря Яны» хаһыат иһитиннэрэр.
Бу дьаһал икки олохтоох килиэп астыыр сыахтан биирдэстэрэ сабыллыбытын кэннэ, нэһилиэнньэни уонна социальнай тэрилтэлэри килиэбинэн хааччыйыы кыһалҕатын түргэнник быһаарарга ылылынна. Бу көҕүлээһини оройуон баһылыга Валерий Сидорин мунньаҕар киллэрбиттэрэ уонна өйөөбүттэрэ.
Интэринээт дириэктэрэ Дмитрий Тихонов быһаарбытынан, тэрилтэ устааба маннык оҥорон таһаарар дьарыгы көҥүллүүр.
«Биһиги урукку килиэп астыыр сыах тэрилин атыылаһан аҕаллыбыт уонна билигин ону туруоруунан, холбооһунунан дьарыктана сылдьабыт. Килиэби буһарыыны сотору кэминэн саҕалыыр былааннаахпыт, бэйэбит тэрилтэбит наадатыгар 25 буулка килиэби астыахпыт», — диэн Дмитрий Тихонов иһитиннэрдэ.
Кини этэринэн, салгыы бородууксуйа сыанатын чуолкайдааһын буолуоҕа, онно уот ороскуота, састааба (бурдук, доруоһа) уонна үлэһиттэр хамнастара киириэҕэ. Бу ырыынакка тахсар бүтэһик сыанатын олохтуурга наадалаах. Оҥорон таһаарар кыамтатат сууккаҕа 100-кэ диэри буулка килиэби буһарар кыах биэрэр. Ол да буоллар, салайааччы бэлиэтээбитинэн, атын тэрилтэлэргэ, холобур, оскуолаҕа, килиэби атыылыыр боппуруос билиҥҥитэ эмиэ быһаарылла илик. Онон, чугастааҕы кэмҥэ Депутатскай бөһүөлэгэр социальнай суолталаах оҥорон таһаарыы тэриллиэҕэ, бу итии килиэбинэн хааччыйыы боппуруоһун быһаарыахтаах.
Надежда Петрова
Секлетея Алексеевна Курчатова Хомсомуол күнүгэр - алтынньы 29 күнүгэр төрөөбүтэ. Бу бүгүн, кини төрөөбүт күнүгэр,…
Бэҕэһээ Ф.И. Авдеева аатынан Оҕо айымньытын дыбарыаһыгар педагогическай үлэһиттэр вакансияларын дьаарбаҥката буолан ааста. Дьокуускай куораттааҕы…
Билигин СӨ Култуура уонна духуобунай сайдыыга министиэристибэтин көҕүлээһининэн кииннэр ситимнэрин олохтуур үлэ бара турар. Ол…
Мин Кириэс Халдьаайыга кэлиэхпиттэн Мария Фёдоровнаны оскуола остолобуойугар көрөрүм уонна учууталларга ураты ытыктабыллаахтык сыһыаннаһарын бэлиэтиирим.…
Норуот сомоҕолоһуутун күнүн чэрчитинэн Дьокуускайга улахан патриоттуу тыыннаах кэнсиэр ыытыллар. Манна байыаннайдартан турар «Мы Есть…
Анал байыаннай дьайыы кыттыылаахтарын 10 мөлүйүөн солкуобайга диэри иэстэрин тохтотуу быраабылатыгар сокуон үлэлииригэр өссө биир…