Хаартыска: sakha.gov.ru
Доруобуйа харыстабылын биир кэлим колл-киинигэр – 122-гэ сыл саҕаланыаҕыттан 1 100 000 эрийдилэр. Бу туһунан Саха сирин Доруобуйа харыстабылын министиэристибэтэ иһитиннэрэр.
Туһааннаах биэдэмистибэ этэринэн, үксүн Дьокуускай мэдиссиинэ тэрилтэлэригэр эрийбиттэр. Сервис мэдиссиинэ өҥөлөрүгэр тиксиини судургутутар. Саха сирин олохтоохторо бу сервис көмөтүнэн араас исписэлиистэргэ, ол иһигэр терапевка, педиатрга, дерматологка, психиатрга уонна эндокринологка көрдөрөргө суруйтараллар.
Ону тэҥэ диспансеризацияҕа, вакцинацияҕа, наркологка уонна психиатрга ыспыраапка толотторууга суруйтарыахха сөп. Бырааһы дьиэҕэ эмиэ ыҥырыллар.
Колл-киин киин коурат поликлиникаларын сэргэ Саха сирин 20 ки ин балыыһатын кытта үлэлиир: Айхаллааҕы, Алданнааҕы, Бороҕоннооҕу, Амматааҕы, Үөһээ Бүлүүтээҕи, Горнайдааҕы, Кэбээйитээҕи, Ленскэйдээҕи, Мэҥэ Хаҥаластааҕы, Мииринэйдээҕи, Намнааҕы, Нерюнгритааҕы, Ньурбатааҕы, Өлүөхүмэтээҕи, Хаҥаластааҕы, Сунтаардааҕы, Тааттатааҕы, Удачнайдааҕы, Уус-Маайатааҕы уонна Чурапчытааҕы.
Санаттахха, бу кэлим нүөмэр 2020 с. Covid-19 тарҕаммытыгар тэриллибитэ. Колл-киин үлэтэ дойду Бэрэсидьиэнин Владимир Путин көҕүлээбит “Доруобуйа харыстабыла” национальнай бырайыак чэрчитинэн үлэҕэ киирбит цифровой трансформацияҕа киирсэр.
СӨ Ил Дарханын уонна Бырабыыталыстыбатын пресс-сулууспата
Илиҥҥи экэнэмиичэскэй пуорумҥа 6 триллион 58,2 миллиард солкуобай суумалаах 358 сөбүлэһии түһэрсилиннэ. Бу туһунан РФ…
Дьокуускайдааҕы айылҕа харыстабылын кэмитиэтэ чугастааҕы ойуурга дьон эһэни көрбүттэрин туһунан иһитиннэриини бигэргэттэ диэн ЯСИА суруйар.…
Балаҕан ыйын 2 күнүгэр куйаар ситимин кэтээн көрүү түмүгэр, киэһэ 18.45 чааска Дьокуускай пааркатыгар биллибэт…
Саха Өрөспүүбүлүкэтин Бырабыыталыстыбатын Бэрэссэдээтэлин солбуйааччы Анатолий Семенов өрөспүүбүлүкэ сүүмэрдэммит хамаандатын «ГТО оонньуулара» Уһук Илин IV…
Бүгүн, балаҕан ыйын 8 күнүгэр, киин куорат уокуруктарынан уонна сорох улуустарынан быстах кэмҥэ өрөмүөн үлэтинэн…
Бу нэдиэлэҕэ үп-харчы эйгэтигэр сүрүн тосхол – сылыктааһын уонна сааһыланыы. Күн уонна Меркурий Кыыс бэлиэтигэр…