Салгыы
Саха сиригэр Федерация Сэбиэтин Кэмитиэттэрэ көһө сылдьан мунньахтыахтара

Саха сиригэр Федерация Сэбиэтин Кэмитиэттэрэ көһө сылдьан мунньахтыахтара

22.03.2023, 21:06
Андрей Сорокин хаартыскаҕа түһэриитэ. СИА
Бөлөххө киир:
Федерация Сэбиэтин  мунньаҕа сенатордар кыттыылаах Дьокуускайга ыытыллыаҕа.
Бу туһунан Ил Дархан Айсен Николаев Саха сириттэн РФ сенатора  Егор Борисовтыын көрсөн бу туһунан кэпсэттилэр.
«Өрөспүүбүлүкэ улахан үлэни ыытта, уураах сылтан ордук бэлэмнэниллибитэ. Бу докумуон Саха сиригэр улахан суолталаах. Тоҕо диэтэххэ, бу докумуон Саха сирин кэлэр сылларга социальнай-экэнэмиичэскэй сайдыытыгар сыһыаннаах. Бу уураахха федеральнай таһымҥа быһаарыллыахтаах саамай сүрүн соруктар  тураллар. Ону сэргэ,  ХХ үйэ 79-80 сылларыгар оҥоһуллубут кэлии-барыы, суол-иис уонна энергосистема оннуларыгар саҥа сайдыылаах  кэлии-барыы, энэргэтиичэскэй тутулларын боппуруостарын олуктарын оҥоруу буолуоҕа «, — диэтэ Айсен Николаев.

«Сенатордар уонна Саха сирин өрөспүүбүлүкэтин салалтата бииргэ үлэлэһиилэрин түмүгэр уонна уураахха тустаах эбийиэктэри киллэриигэ чуолкай, дьэҥкэ этиилэрдээх,   Саха сирин өйүүр туһунан боппуруостардаах Арассыыйа бырабыыталыстыбатыгар Федерация Сэбиэтэ  санаатын иһитиннэрбитэ», — диэн Егор Борисов бэлиэтээтэ.

Бэлиэтээн суруйдахха, бу докумуоҥҥа социальнай уонна инфраструктурнай эбийиэктэри тутуу киирбитэ. Ол курдук Дьокуускайга өрөспүүбүлүкэтээҕи инфекционнай килиниичэскэй балыыһа, салгын аалын түһэр сирин бырайыактааһын уонна саҥалыы уларытан оҥоруу, Ленскэй, Уус Куйга, Зырянка, Маҕан уонна Полярнай пуортарын тутуу, Амма-Сулҕаччы үрдүк күүрүүлээх ситимин уонна Амма 110 кВ подстанциятын тутуу, ХИФУ мэдиссиинэ институтун үөрэнэр-лабораторнай куорпуһун тутуу, В.А.Босиков аатынан муусука Үрдүкү оскуолатын тутуу, успуорт саалалар, Дьокуускайга оскуолалар, Арктическай оройуоннарга ВОЛС тиһигэ о.д.а эбийиэктэр киирбиттэр.

Сенатор байыаннай дьайыыга сылдьар сулууспалаахтары уонна кинилэр дьиэ кэргэттэрин өйөөһүҥҥэ  Ил Дархан үлэтин үрдүктүк сыаналаата. Кини Н.Бурденко аатынан байыаннай госпитальга сылдьан байыаннай сулууспалаахтары көрсүбүт. Онно байыаннай сулууспалаахтар Айсен Николаевка этиилэрин, баҕа санааларын үллэстибиттэрин тиэртэ.

Маны сэргэ эрэгийиэн иһинээҕи боппуруостары, тыа хаһаайыстыбатын салаатын, тыа сирин сайыннарыы туһунан кэпсэттилэр.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
15 июня
  • 16°C
  • Ощущается: 16°Влажность: 82% Скорость ветра: 2 м/с

Сообщить об опечатке

Текст, который будет отправлен нашим редакторам: