Хаартыска: sakha.gov.ru
Саха Өрөспүүбүлүкэтин Ил Дархан гранын куонкуруһун кыайыылаахтарынан 77 кэмиэрчэскэйэ суох тэрилтэ буолла.
“Быйылгы алтыс куонкуруска 400 кэмиэрчэскэйэ суох тэрилтэттэн 474 сайаапка киирдэ. Куонкуруска 77 кэмиэрчэскэйэ суох тэрилтэ кыайда. Кинилэр бырайыактарыгар өрөспүүбүлүкэ бүддьүөтүттэн уонна Бэрэсидьиэн граннарын пуондатыттан 102,6 мөл солк. үп көрүлүннэ. Кыайыылаахтары ис сүрэхпиттэн эҕэрдэлиибин! Кэнники биэс сылга уопсайа 475,5 мөл солкуобай уопсай суумалаах 369 социальнай бырайыак өйөбүлү ылла. Бу биһиги өрөспүүбүлүкэбитигэр көхтөөх дьон олорорун туоһулуур!”, — диэтэ Ил Дархан Айсен Николаев.
Көхтөөх оройуоннарынан 38 сайаапкалаах Ньурба оройуона буолла. Иккискэ – Горнай улууһа (29 сайаапка). Үһүскэ – Сунтаар оройуона (25 сайаапка).
9-туу сайаапканы киллэрбит Бүлүү уонна Хаҥалас оройуоннарыттан 2-лии сайаапка ааста. Чурапчы улууһугар – 20,8 бырыһыан – 24-тэн 5-һи өйөөтүлэр. Көдьүүстээҕинэн үһүс миэстэҕэ Уус Алдан таҕыста.
Саамай грант хайысхаларыттан киэҥник билиннэ “Култуура, искусство эйгэтин үлэтэ, киһи духуобунай сайдыытыгар көмөлөһүү” — 77 бырайыак, “Гражданнары патриотическай иитии эйгэтигэр үлэ” – 69 бырайыак, “Дьон доруобуйатын харыстабылын, чөл олоҕу тэнитии эйгэтигэр үлэ” – 61 бырайыак, “Ыччат бэлиитикэтин эйгэтигэр үлэ” – 49 бырайыак, “Наука, үөрэхтээһин, сырдатыы эйгэтигэр бырайыактары өйөөһүн” – 46 бырайыак.
Ыччат дьыалатын уонна социальнай коммуникацияларга министиэристибэ чахчытынан, гражданскай уопсастыбаны сайыннарыыга 2020 сылтан 1991 бырайыак кытынна, 2020-2024 сс. 477 мөл солкуобай көрүлүннэ. Итинтэн Саха Өрөспүүбүлүкэтин судаарыстыбаннай бүддьүөтүн суотугар – 293 мөл солкуобай, Бэрэсидьиэн граннарын пуондатыттан – 184 мөл солкуобай.
Сиһилии Саха Өрөспүүбүлүкэтин Ил Дарханын 2024 сыл бэс ыйын 24 күнүнээҕи 358-РГ “О присуждении грантов Главы Республики Саха (Якутия) на развитие гражданского общества в Республике Саха (Якутия) в 2024 году” дьаһалын ааҕыҥ.
Саха Өрөспүүбүлүкэтин Ил Дарханын уонна Бырабыыталыстыбатын пресс-сулууспата
Ытык-мааны Таатта сиригэр-уотугар "Манчаары" оонньуулара ыытыллыбыта нэдиэлэ буолла. Бүгүн быһаарыылаах түмүк күн. Хас күн ахсын…
«Мэйии. Үгэс. Ыра санаа» документальнай киинэ сүрэхтэниитэ 2025 сыл балаҕан ыйыгар Дьокуускайга, Санкт-Петербурга уонна Москваҕа…
Бүгүн үс күннээх V өрөспүүбүлүкэтээҕи «Yлэ, иис күрэҕэ» иистэнньэҥ ийэлэр уонна волонтердар күрэстэрэ, «Кыайыы 50…
Кэлэр нэдиэлэҕэ Дональд Трамп, АХШ-ка 500%-наах пошлиналаах сааҥсыйатын бакыата ырытыллар кэмигэр, «Арассыыйа туһунан улахан суолталаах…
Сыл аайы сөтүөлүүр кэм саҕаланыыта уончанан киһи ууга ыстанарга биир сэрэҕэ суох хамсаныыттан сиһин тоноҕоһун…
Арассыыйа Бэрэсидьиэнэ Владимир Путин судаарыстыбаннай тыл бэлиитикэтин сүрүннэрин бигэргэтэр туһунан ыйаахха илии баттаата. Бу ыйаах…