Икки булчут тыаҕа сураҕа суох сүппүт

СӨ Быыһыыр сулууспатын пресс-сулууспата иһитиннэриитинэн, Үөһээ Бүлүү улууһун Кэнтик нэһилиэгэр ыам ыйын 12 күнүгэр 1978 с.т. эр киһи бултуу тахсан баран, сураҕа суох сүппүт. Эр киһини олохтоохтор күүстэринэн көрдүүллэр.

Оттон Бүлүүгэ ыам ыйын 13 күнүгэр киэһэ 19.41 чааска ЕДДС сулууспатыгар  Бүлүү куораттан чугас Кумах Үрэх диэн сиргэ 1972 с.т. булчут сүппүтүн туһунан тыллаабыттар. Бултуур сиргэ доҕоро саппыкытын уонна саатын эрэ булбут. Бүгүҥҥүттэн, ыам ыйын 14 күнүттэн, аймахтара, ОГПС, ИДьМ уонна Росгвардия үлэһиттэрэ көрдүүр үлэни тэрийдилэр.

Бу икки быһылаанынан Быыһыыр сулууспа үлэһиттэрэ миэстэтигэр тахсаллара былааннанар. Быһылааннар Быыһыыр сулууспа хонтуруолугар ылылыннылар.

Булчуттар, сэрэхтээх буолуҥ!