Хаартыска: Галина Мозолевская, ЯСИА
Саха сирин хомунаалынай сулууспалара ыам ыйын 21 күнүттэн ититиини тохтотууну саҕалаабыттара. Дьокуускайга ититиини араарыы ыам ыйын 23-26 күннэригэр былааннанар.
Үлэ кыраапыга оройуонуттан көрөн, бэс ыйын 6 күнүгэр диэри былааннанар, диэн ОДьКХ уонна энергетика миниистирэ Вячеслав Емельянов социальнай ситимнэринэн быһа эпиир кэмигэр иһитиннэрдэ.
«Бэс ыйын 6 күнүгэр диэри бары муниципальнай тэриллиилэргэ оттук сезона түмүктэнэр. Кэккэ муниципалитеттарынан ититиини биэрии бүгүн тохтотулунна», — диэтэ миниистир.
Вячеслав Емельянов быһаарыытынан, ититиини араарыы туһунан быһаарыыны муниципалитет биэс күн устата салгын температурата +8 кыраадыстан үрдүк буоларыттан көрөн ылыныан сөп. «Арктика оройуоннарыгар болдьоҕо атын буолуон сөп. Холобур, Булуҥ улууһугар оттук сезона тохтотуллубат. Арай өрөмүөн эрэ кэмигэр», — диэн Вячеслав Емельянов бэлиэтээтэ.
Санаттахха, ыам ыйын 21 күнүттэн ититиини араарыы Таатта уонна Чурапчы оройуоннарыгар, ыам ыйын 22 күнүгэр Уус Алдан улууһугар былааннаммыта. Ыам ыйын 23-26 күннэригэр ититиини Дьокуускайга, Томпоҕо, Горнайга, Хаҥаласка, Бүлүүгэ уонна Сунтаарга тохтотуохтара. Амма, Мэҥэ Хаҥалас уонна Сунтаар оройуоннарыгар оттук сезона ыам ыйын 25 күнүгэр түмүктэнэр.
Ньурба улууһун Күндээдэ сэлиэнньэтигэр буолбут дьулаан түбэлтэ элбэх дьону долгуппута. Санатан эттэххэ, онно икки эр…
Бүгүн Дьокуускайга «Патриот» ыччат киинигэр улахан суолталаах тэрээһин, «Доруобуйаларын чөлүгэр түһэрии уонна өйөөһүн: байыаннай дьайыы…
«Якутскэнерго» АУо киин уот ситимнэрин энергетиктара 2026 сыллааҕы өрөмүөннүүр хампаанньаны саҕалаатылар. Энергетиктар араас күүрүүлээх кылаастаах…
Дьокуускай куорат суута 31 саастаах Нам улууһуттан төрүттээх киһини РФ Холуобунай кодексатын 207-с ыстатыйатын 1-кы…
Аан дойдуга буола турар балаһыанньаны «Сэмсэ тыл» биэриигэ политолог Чокуур Гаврильев ырытар.
2026 сыл бастакы ыйыгар Саха сиригэр 771 оҕо төрөөбүтүттэн 387 -- уол, 384 - кыыс…