Саха сиригэр креативнай экэниэмикэни сайыннарыахтара

Муус устар 27 күнүгэр Ил Дархан Айсен Николаев «Саха Өрөспүүбүлүкэтин креативнай экэниэмикэтин сайдыытын туһунан» Ыйаахха илии баттаата.

Саха сирин экэниэмикэтигэр айымньылаах индустрия кылаатын улаатыннарыыга туһуламмыт сүрүн соруктар уонна дьаһаллар быһаарылыннылар.

Бу Ыйаах Саха сирин креативнай экэниэмикэтин уонна экспорын сайыннарыыга, креативнай индустриялары сайыннарыыга, креативнай индустрия уонна айар-тутар кыахтары олоххо киллэриигэ, Саха сирин олохтоохторугар сөптөөх усулуобуйаны тэрийэргэ, итиэннэдойду уонна аан дойду ырыынагар саха тэрилтэлэрэ күрэстэһэр кыахтарын үрдэтэр сыалтан илии баттанна.

«Саҥа Ыйааҕынан креативнай индустрия уонна киһи хаптаалын сайыннарыыга биһиги дьулуурбутун бөҕөргөтөбүт. Ыйаахха илии баттааһыны Өрөспүүбүлүкэ күнүн кытта сөп түбэһиннэрэн, ураты суолталаммытын бэлиэтиэххэ наада», — диэн Айсен Николаев эттэ.

Эрэгийиэн креативнай экэниэмикэтиин сайыннарыы сүрүн сыалынан 2030 сылга креативнай индустрия хайысхатыгар дьарыктанар нэһилиэнньэ ахсаанын 70 тыһыынчаҕа диэри улаатыннарарга быһаарылынна. Креативнай эйгэ таһыма бу сылтан икки төгүл улаатыаҕа. Бу сыалга креативнай индустриялары өйүүр анал дьаһаллар ылыллыахтара, ол иһигэр тас дойдуларга таһаарыы, саха киинэ индустриятын дохуотун улаатынарыы, анимация бородууксуйатын аудиториятын улаатыннарыы, о.д.а. Саха сиригэр экэниэмикэ айар хайысхатыгар өҥө оҥоруу улаатарын хааччыйар былааннаах.