Саха сиригэр эрэгийиэннээҕи уонна федеральнай таһымнаах ЫБМ эрэһиимэ үлэлии турар. Ону тэҥэ ойуурга тахсары хааччахтыыр баһаары утары эрэһиим дьайыыта салҕанар.
Билигин ойуур баһаардара буолар биричиинэлэрин чопчулуур үлэ, буруйдаахтары булан ылар уонна ойуур пуондатыгар оҥоһуллубут хоромньуну ааҕыы бара турар.
СӨ Экологияҕа, айылҕаны туһаныыга уонна ойуур хаһаайыстыбатын министиэристибэтигэр эппиттэринэн, сибилигин ойуур баһаарыгар буруйдаах 13 киһи баара билиннэ: Амма, Мэҥэ Хаҥалас, Нам уонна Ньурба улуустарыгар иккилии, Нерюнгри, Бүлүү оройуоннарыттан, Дьокуускай куораттан биирдии киһи.
Бу 13 киһиттэн административнай буруйу кэһии туһунан Кодекс 8.32 ыстатыйатын 4 чааһынан административнай эппиэтинэскэ 6 киһи тардылынна: Мэҥэ Хаҥаластан иккиэлэр, Амма, Үөһээ Бүлүү, Бүлүү, Нам улуустарыттан биирдии. Үс киһи 150 тыһ. солк. суумалаах ыстараабы төлөөтө, үс киһиэхэ сэрэтии бэрилиннэ. Холуобунай дьыалаҕа тардыллааччы суох. 7 дьыала үөрэтиигэ сылдьар.
Саха сиригэр ойуур баһаарын ыыппыт буруйдааҕы буларга көмөлөһөн, быраабы араҥаччылыыр уорганнарга эбэтэр хонтуруоллуур-кэтиир уорганнарга дьиҥнээх информацияны биэрдэххэ 10 тыһ. солк. харчы төлөнөр. Төлөбүр хас биирдии ойуур баһаарыгар, уот туруутугар буруйдаах хас биирдии киһиэхэ оҥоһуллар. Ол эрээри уот барыытыгар хас да киһи буруйдаах да буоллаҕына, төлөбүр 50 тыһ. солкуобайтан улааппат, диэн иһитиннэрэр СӨ Ил Дарханын уонна Бырабыыталыстыбатын пресс-сулууспата.
Ойуур хаһаайыстыбатын сулууспатын төлөпүөнэ: 8-800-100-94-00.
СӨ Ойуур хаһаайыстыбатын эрэгийиэннээҕи диспетчерскэй сулууспата: 8(4112) 44-74-76, 8(4112) 44-77-76.
Бэҕэһээ, алтынньы 5 күнүгэр, Хаҥалас улууһун Күөрдэм сэлиэнньэтигэр 16 саастаах оҕо доҕорун -- 14 саастаах…
Дьулус бүгүн тренажернайга эрчиллэн эрдэ бүттэ. Тахсаары туран тымныы уунан сууммут буолан, этэ-сиинэ хаһааҥҥытааҕар да…
Ааспыт кыһын тохсунньуга, томороон тымныы түһэн турдаҕына «Өймөкөөн – Тымныы полюһа” бырайыакка таһырдьа уһуну сүүрүүгэ…
Оһуокай өрөспүүбүлүкэтээҕи уопсастыбатыгар ураты куоластаах, тыллаах-өстөөх, тойуктаах үҥкүү тылын этээччилэр бааллар. Ол курдук, Күөх Ньурбаттан…
Харчы олоххо тирэҕи биэрэр, сарсыҥҥы күҥҥэ эрэли үөскэтэр. Биһиги сатаан суоттанар, аттарынар буоллахпытына, оҕобутун харчыны…
Бэҕэһээ, алтынньы 5 күнүгэр, Алдан уонна Ленинскэй икки ардыгар суол саахалыгар пассажир дьахтар эчэйбитин туһунан…