сахагов
Быйылгы сыл үһүс кыбаарталын түмүгүнэн эрэгийиэннээҕи массыына суолугар “Олох-дьаһах инфраструктурата” (“Инфраструктура для жизни”) нацбырайыак чэрчитинэн 66 км уһуннаах 19 эбийиэктэн 11-гэр үлэ түмүктэннэ. Бу бырайыагы Бэрэсидьиэн Владимир Путин көҕүлээбитэ. Бу туһунан Саха сирин Тырааныспар уонна суол хаһаайыстыбатыгар минситиэристибэтэ иһитиннэрдэ.
Ол иһигэр – “Нам”, “Өймөкөөн”, “Харбалаах”, “Кэбээйи”, “Бөтүҥ”, “Умнас” массыына суолларын өрөмүөнэ. Ону тэҥэ “Нам” массыына суолугар Кангалас бөһүөлэгэр тиэрдэр суолу уона “Мүрү” массыына суолун учаастагын хапытаалынайдык өрөмүөннээһин түмүктэннэ.
Ону тэҥэ Өлүөхүмэ уонна Сунтаар оройуоннарыгар үс муостанан туорааһыны – Аччыгый уонна Улахан Черепаниханы, ону тэҥэ Улахан Харыйалааҕы тупсардылар.
Өрөспүүбүлүкэ киин куоратыгар Тускул түөлбэҕэ уулусса-суол ситимин өрөмүөннээтилэр. Белинскэй уулуссаҕа хапытаалынай өрөмүөн ыытылынна, ону тэҥэ Сыырдаах сэлиэнньэтигэр – Скрябин уулууссатыгар, Сайдыы, Крестьянский, Фермерскэй, Кэскиллээх уонна Церковная улууссаларга.
Национальнай бырайыакка саҥаны киллэриинэн 20 тыһ. тахса нэһилиэнньэлээх кыра куораттар агломерацияларыгар уулуссалар туруктарын тупсарыы ыытылынна. Онно Мииринэй, Ленскэй, Нерюнги, Алдан киирсэллэр. 2025 сылга баларга 12,3 км уулусса-суол ситимин тупсарыы күүтүллэр. Итинтэн 9,8 км – Алдан, Нерюнгри, Мииринэй эбийиэктэригэр, ону тэҥэ 2,5 км – Мииринэйгэ уонна Ленскэйгэ үс саппаас эбийиэгинэн.
Алдаҥҥа биэс уулуссаны өрөмүөннээбиттэр, уопсайа 27 тыһ. кв.м. тэлгэппиттэр. Нерюнгригэ “Дорожник” ХЭТ Кравченко уулуссаҕа суолу саҥардан оҥорбут. Мииринэйгэ Аммосов, Индустриальнай, Бабушкин уулуссаларга үлэ ситэрэ бу кэллэ. Ленскэйгэ Чапаев уонна Нюйскай уулуссаларга суол саҥа балаһатын оҥордулар.
Санатан эттэххэ, “Инфраструктура для жизни” национальанй бырайыак чэрчитинэн быйыл Саха сиригэр 137,22 км массыына суолун тупсарыахтара.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Подробнее: https://www.sakha.gov.ru/news/13028
Саҥа дьыллааҕы бырааһынньыктар түмүктэнэн, симэммит харыйалары хомуйар кэм чугаһаата. Астрологтар маннык күннэргэ харыйаны хомуйары сүбэлииллэр:…
Судаарыстыбаннай Дуумаҕа дьиэ кэргэҥҥэ үһүс уонна онтон кэлэр оҕолор төрөөтөхтөрүнэ дьиэ кэргэн ипотекатын ыстаапкатын намтатар…
Бэрэсидьиэн академиятын эспиэрэ Татьяна Подольская быйыл уоппускаҕа барарга саамай барыстаах ыйдары эттэ. Кини иһитиннэрбитинэн, биэс…
Ороһуоспа бырааһынньыгар остуолга ууруллар ас-үөл дойду эрэгийиэннэринэн араастаһыан сөп эрээри, бырааһынньыгы көрсө үгүс хаһаайкалар маннык…
Ааспыт сылга Дьокуускай куорат Гагарин уокуругар ханна да суох улахан уонна аныгы тутуулаах СМАРТ-поликлиника үлэҕэ…
РФ уопсай үөрэхтээһинин бочуоттаах үлэһитэ, “СӨ үтүөлээх учуутала” бочуоттаах аат хаһаайына, Дьокуускай куорат 26‑с нүөмэрдээх…