Эрэгийиэн баһылыга быйыл сүөһү аһылыгын бэлэмнээһин уустук усулуобуйаҕа ааспытын бэлиэтээтэ. Сайын саҕаланыытыгар кэккэ илин эҥэр улуустарга кураан сатыылаабыта, Кэбээйи уонна Дьааҥы оройуоннарыгар халаан уута кэлбитэ, онтон өрөспүүбүлүкэ баһыйар өттүгэр ардахтаах күн-дьыл турбута. «Төһө да уустуктар баалларын үрдүнэн сүөһү аһылыгын бэлэмнээһиҥҥэ үлэлээбит тыа хаһаайыстыбатын бары үлэһиттэригэр махтанабын. Өрөспүүбүлүкэ үгүс оройуоннарыгар оту кэбиһии былаана туолла. Сүрүннээн, өрөспүүбүлүкэ үрдүнэн былырыыҥҥы көрдөрүүлэргэ таҕыстыбыт”, — диэтэ Айсен Николаев.
Мунньахха тыа хаһаайыстыбатын миниистирин бастакы солбуйааччы Петр Попов оту бэлэмнээһин хампаанньатын түмүгүн туһунан кэпсээтэ. Алтынньы 9 күнүнээҕи туругунан өрөспүүбүлүкэҕэ 390476 туонна от бэлэмнэннэ, ити былаан 88 бырыһыаныгар тэҥнэһэр. 27860 т сиилэс угулунна (92%) уонна 14176 туонна сенаж бэлэмнэннэ (109 %).
Бүгүн сүөһү аһылыгын бэлэмнээһин хампаанньата түмүктэнэн эрэр. Өрөспүүбүлүкэ биэс оройуонугар – Дьааҥыга, Кэбээйигэ, Ленскэйгэ, Өлүөхүмэҕэ уонна Чурапчыга оту бэлэмнээһиҥҥэ мобильнай биригээдэлэр салгыы ыраах учаастактарга үлэлииллэр.
Мунньахха видеосибээһинэн Кэбээйи, Дьааҥы, Бүлүү, Чурапчы оройуоннарын салайааччылара кытыннылар. Санаттахха, эрэгийиэн баһылыга ордук эмсэҕэлээбит 8 оройуоҥҥа 5 тыһыынча туоннаттан тахса концентрированнай аһылыгы уонна 1600 туонна оту тиэйиигэ көмөлөһөргө сорудахтаабыта. Маны сэргэ 2023 сылга өрөспүүбүлүкэ бүддьүөтүгэр сүөһү уонна сылгы этэҥҥэ кыстыырыгар үбү көрөргө сорудахтаммыта. Мунньах түмүгүнэн Айсен Николаев эрэгийиэн бырабыыталыстыбатыгар өрөспүүбүлүкэ эмсэҕэлээбит оройуоннарыгар сүөһү уонна сылгы төбөтүн аччаппат туһугар суһаллык кэккэ кэлимсэ миэрэлэри ылынарыгар соруйда.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Андрей Сорокин хаартыската, СИА
Биэс сыллаах тохтобул кэнниттэн Судаарыстыбаннай Кириэмил дыбарыаһыгар бастыҥ устудьуоннарга, үөрэх олимпиадаларын, айар куонкурустар, спортивнай күрэхтэһиилэр…
Сыл саамай хараҥа, тымныы бастакы ыйын туһунан Тускул үгэс быһыытынан билгэлээтэ. - 2026 сыл -…
Мэҥэ Хаҥалас улууһугар биир киһи хаһыс да төгүлүн арыгы иһэн баран, массыынаны ыытан, сууттанна. …
Саҥа дьыл буолара үс эрэ күн хаалла. Эрдэттэн хааччымматах дьон билигин тугу бэлэхтиибит диэн толкуйга…
Бу күннэргэ Мэхээлэ Дьөгүөрэп аатынан сылын ахсын ыытыллар Бэрдьигэстээх нэһилиэгин баһылыгын сылы түмүктүүр "Бастыҥнар түһүлгэлэрэ"…
Ахсынньы 28 күнүгэр «Восточнай» космодромтан «Союз-2.1б» аракыата Саха сирин бастакы «Чолбон» кыра космическай аппарааты орбитаҕа таһаарда. Бу Саха сирэ…