Хаартыска: Росгвардия пресс-сулууспата
Бу сыл саҕаланыаҕыттан Саха сиригэр 24 булт саата сүтүүтүн түбэлтэтэ бэлиэтэннэ. Бас билээччилэр эппиэккэ тардылыннылар. Бу туһунан алтынньы 14 күнүгэр Росгвардия эрэгийиэннээҕи управлениетыгар иһитиннэрдилэр.
«Саха сиригэр үксүн булчуттар булт кэмигэр уу эбийиэктэригэр уонна тыаҕа сылдьан сүтэрэллэр», — диэн биэдэмистибэҕэ бэлиэтээтилэр.
Орто Халыма оройуонугар буолбут түбэлтэ биир оннук холобурунан буолар. Бу саас булчут оҥочотун сыыһа туттан, МР-153 саатын ууга түһэрбит. Буолбут түбэлтэ туһунан кини икки нэдиэлэ ааспытын кэннэ эрэ биллэрбит. Сокуон ирдэбилинэн булчут саатын сүтэрбитин туһунан Росгвардияҕа эбэтэр полицияҕа тутатына биллэриэхтээх. Сокуону кэһээччигэ сыһыаннаан административнай боротокуол оҥоһуллубут.
Росгвардия булт саатын бас билээччилэригэр харайыы уонна илдьэ сылдьыы быраабылаларын кытаанахтык тутуһалларын наадалааҕын санатар. Сааны сүтэрбит түгэҥҥэ административнай эппиэтинэс көрүллэр. Сокуону кэһии иһин ыстараап 10 тыһыынча солкуобайга диэри буолуон, ону таһынан үс сылга диэри болдьоххо булт саатын атыылаһар, харайар уонна илдьэ сылдьар быраап быһыллыан сөп. Өскөтүн сүппүт саанан киһи өлүүтүгэр тиэрдибит буруйу оҥоруу түбэлтэтэ бэлиэтэннэҕинэ, бас билээччи холуобунай эппиэтинэскэ тардыллар.
Ону таһынан Росгвардия атын киһи саатын булбут гражданнары быраабы араҥаччылыыр уорганнарга тутатына биллэрэллэригэр, оттон кыаллар буоллаҕына – үлэһиттэр кэлиэхтэригэр диэри булумньуну булуллубут сиригэр тыытыллыбакка хааларын хааччыйалларыгар ыҥырар.
Мииринэй куоракка Ийэ дойду көмүскээччилэрин өйөөн аһымал кэнсиэр тэрилиннэ. Хомуллубут үп-харчы бүтүннүүтэ байыаннай дьайыы кыттыылаахтарыгар…
Усуйаана улууһугар сэлии фаунатын тобохторун хомуйууну уонна эргиниини бэрэбиэркэлиир кэмҥэ, уопсай ыйааһына 20,7 киилэ буолар…
Камчатка кыраайын Елизово куоратыгар пауэрлифтиҥҥэ Уһук Илин федеральнай уокурук чөмпүйэнээтэ ыытылынна. Күрэхтэһии чаҕылхай кыттааччыларын быыстарыгар…
ИДьМ сулууспатын «Дьокуускайдааҕы» 2 №-дээх полициятын отделын дьуһуурунай чааһыгар дьахтар кыбартыыратыттан икки тэлэбиисэри уорбуттарын туһунан…
СӨ Бырабыыталыстыбатын Бэрэссэдээтэлин бастакы солбуйааччы Дмитрий Садовников салайыытынан социальнай эбийиэктэр тутууларын боппуруостарыгар мунньах ыытылынна. Мунньахха…
Сааны бас билээччилэр федеральнай сокуонунан көрүллэр быраабылалары кытаанахтык тутуһуохтаахтар, диэн Росгвардия пресс-сулууспата санатар. Гражданин ханнык…