Хаартыска: www.sakha.gov.ru
Горнай улууһугар «Саханефть» өйөбүлүнэн тыа бизоннарын кэтээн көрөр уонна харыстыыр иккис пуун арыллыаҕа. Саҥа пууну Саха сирин Горнай улууһугар, «Сиинэ» айылҕа пааркатын сиригэр-уотугар, Наача диэн сиргэ тутар былааннанар.
Онно тэрийэр үлэлэри бу сыл атырдьах-балаҕан ыйдарыгар түмүктүөхтэрэ. Эбийиэги кыһыҥҥы эбии аһатыыга кэтээн көрөр пуун, от үлэтин кэмигэр, бааза, о.д.а. быһыытынан туһаныахтара.
Санатан эттэххэ, хампаанньа «Саха сиригэр тыа бизонун үөрэтии» бырайыагы ааспыт сылтан олоххо киллэрэр. Бастакы «Намана» бизонарий быйыл кулун тутарга Саха сирин Өлүөхүмэ улууһугар, «Кэйиктэ» эркээйи сиригэр-уотугар арыллыбыта.
Бастакы бизоннар бу пууҥҥа Горнай улууһун «Тыымпынай» питомнигыттан аҕалыллыбыттара. Бырагырааманы көҕүлээччи – Саха Өрөспүүбүлүкэтин Экологияҕа, айылҕаны туһаныыга уонна ойуур хаһаайыстыбатыгар министиэристибэтэ, оттон толорооччунан өрөспүүбүлүкэ биологическай ресурсаларын, ытык кэрэ сирдэрин уонна айылҕа пааркаларын дирекцията буолар. Бырайыак Айылҕаны харыстааһын норуоттар икки ардыларынааҕы Сойууһун Кыһыл испииһэгэр киирбит бизоннар ахсааннарын элбэтиигэ туһуланар.
«Саханефть» уонна эрэгийиэннээҕи биологическай ресурсалар, ытык кэрэ сирдэр уонна айылҕа пааркаларын дирекциятын икки ардыларыгар былырыын бииргэ үлэлээһин туһунан сөбүлэҥ түһэрсиллибитэ. Кэтээн көрөр пууннары тэрийии таһынан, хампаанньа пууну үлэлэтии уонна тутуу, питомниктартан эдэр бизоннары тиэйии, ону тэҥэ аһылык баазатын хааччыйыы ороскуоттарын бэйэтигэр ылынна.
Саҥа дьыллааҕы бырааһынньыктар иннинэ түөкүттэр былаас аатыттан сымыйа төлөбүрдэринэн уонна «бэлэхтэринэн» албынныыр ньыманы көхтөөхтүк туһанан…
Ахсынньы 20 күнүгэр Дьокуускайга «Спортивнай» түөлбэҕэ элбэх хайысхалаах успуорт саалатын үөрүүлээх аһыллыыта буолла. СӨ Ил…
Ахсынньы ыйыгар Саха сиригэр кыһыҥҥы суоллар аһыллыбыттарын үрдүнэн, улуустар икки ардыларынааҕы таксыы сыанатыгар биллэр-көстөр чэпчэтии…
СӨ Бырабыыталыстыбатын бэрэссэдээтэлин бастакы солбуйааччы Дьулустаан Борисов санаатынан, Арассыыйа Бэрэсидьиэнин пресс-кэмпириэнсийэтэ киэҥ ис хоһоонноохтук, киирбит…
СӨ Бырабыыталыстыбатын бэрэссэдээтэлин солбуйааччы Ольга Балабкина, РФ Бэрэсидьиэнин Владимир Путин улахан пресс-кэмпириэнсийэтин түмүктэрин сырдатан, судаарыстыба…
Күн бүгүҥҥүттэн үлэ күнүн кыраапыгын оҥоһуу өй (ИИ) былаанныан сөп. Үлэ эйгэтэ олус түргэнник уларыйан,…