Саха сиригэр сэттэ сымыйа харчы баара биллибит

Саха сиригэр 2024 сылга тоҕус ый иһигэр баан систиэмэтэ сэттэ сымыйа харчы баарын билбит. Бу былырыыҥҥыны кытта тэҥнээтэххэ, икки төгүл аҕыйах.

Булуллубут сымыйа харчылар истэригэр үс 5000 солк., икки 2000 солк. уонна биирдии 1000 солк., 50 солк. бааллар эбит.

«Сымыйа харчыны оҥорооччулар улахан суумалаах харчыны оҥоро сатыыллар. Ол эрээри каассаларга аҕыйах номиналлаах харчылар да түбэһээччилэр. Онон кумааһынныьыкка харчыны угуоххун иннинэ бэрэбиэркэлиир ордук», — диэн Арассыыйа Баанын Саха сиринээҕи салаатын кумааҕы харчыны кытта үлэ отделын начаалынньыга Александра Пархоменко этэр.