Соторутааҕыта Судаарыстыбаннай академическай Малай тыйаатыр иһинэн М.С.Щепкин аатынан институтка саха алтыс устуудьуйатын бүтэрээччилэр А.Н.Островскай “Гроза” испэктээгин туруордулар.
Куурус уус-уран салайааччыта, РФ норуодунай артыыската, Малай тыйаатыр артыыската Людмила Титова драматург айымньытыгар ытыктабыллаахтык сыһыаннаһан туруорда. Артыыс буолуохтаах саха ыччата көрөөччүгэ хас биирдии персонаж өйдөнүмтүө буоларын курдук оруолларын арыйарга кыһалынна. Сыанаҕа саҥарарга үөрэтэр бэрэпиэссэр Н.А.Макарова уонна вокал учуутала Т.В. Циукаев салалталарынан биһиги оҕолорбут туруоруммут соруктарын ситиһиилээхтик толордулар.
СӨ култуураҕа уонна духуобунай сайдыыга миниистири солбуйааччы Марина Силина иһитиннэрбитинэн, бу испэктээккэ нуучча тыйаатырын каноннарыгар олоҕуран саха дырааматын ускуустубата утумнаахтык сайдан иһэрэ көһүннэ.
— Биһиги саха алтыс устуудьуйата биллэрдик сайдан иһэрин көрөбүт. Биһиги үөрэххэ киирэргэ аан бастаан кэлбит ыччаттар хайдах туттарсыбыттарын өйдүүбүт. Элбэх баҕалаахтан 20 саамай дьоһуннаахтарын талбыппыт, — диэтэ миниистири солбуйааччы уонна Москваҕа, Санкт Петербурга өрөспүүбүлүкэ 100 сылыгар аналлаах тэрээһиннэри өйөөбүттэригэр устудьуоннарга махтанна.
“Биһиги бэйэбит устудьуоннарбытын кэтэһэбит, көрөөччүлэр күүтэллэр. Кинилэр сотору биһиги биир идэлээхтэрбитинэн буолуохтара”, — диэн артыыс буолуохтаах ыччаттар судаарыстыбаннай эксээмэннэри ситиһиилээхтик туттаралларыгар баҕарда.
Бүгүн, Улуу Кыайыы 79 сылын көрсө, «Кыайыы Знамята» аахсыйа чэрчитинэн Наталия Яцышина салайааччылаах Уус-Ньаратааҕы гимназист-волонтердар…
Саха сиригэр эдэр табаһыттар дьиэ тутталларыгар эбэтэр дьиэ атыылаһалларыгар 2 мөл. солк. диэри төлөбүр кээмэйин…
Саха сирин сүүмэрдэммит хамаандатын дзюдоистара Уһук Илин чөмпүйэнээтигэр икки кыһыл көмүс мэтээли ылары ситистилэр. Алина…
Арассыыйаҕа Дьиэ кэргэн уонна Саха сиригэр Оҕо саас сыла Ньурбаҕа бэлиэ түгэнинэн саҕаланна. Ыам ыйын…
Дьокуускайдааҕы кадеттар интэринээт-оскуолатын дириэктэрэ Алексей Корякин патриотизм туһунан санаатын үллэһиннэ. “Патриотизм төрөөбүт дойдуга, дьиэ кэргэҥҥэ…
“Улуу Арыйыылар аартыктарынан” («По пути Великих свершений») бырайыак чэрчитинэн Нуучча Географиятын уопсастыбатын (РГО) Саха сиринээҕи…