Саха сиригэр суукка устата 10 ойуур баһаарын умуруордулар

Саха сиригэр ойуур баһаардарын умуруоруу үлэтэ салҕанар. Ыам ыйын 15 күнүнээҕи дааннайынан, суукка устата Дьааҥы уонна Эбээн Бытантай улуустарыгар барыта 3811 гектар иэннээх биэс баһаар умуруоруллубут. Итиэннэ Дьааҥыга уонна Өймөкөөҥҥө 56 гектар иэннээх биэс ландшафтнай баһаар бохсуллубут. Бу туһунан СӨ Экологияҕа миниистирин солбуйааччы Андрей Коноплев брифиҥҥэ иһитиннэрдэ.

Кини этэринэн, ааспыт сууккаҕа космическай уонна авиационнай мониторинг түмүгэр Абыйга уонна Дьааҥыга ландшафтнай баһаардар, биир ойуур баһаара көстүбүт.

Билигин өрөспүүбүлүкэ сиригэр-уотугар Дьааҥы улууһугар биир ойуура баһаара баар.