2024 сыл саҕаланыаҕыттан 96 289 оҕо төрөппүтүгэр уонна 2762 хат дьахтарга биир кэлим босуобуйа ананна. Бу туһунан брифиҥҥэ РФ Социальнай пуондатын Саха сиринээҕи салаатын управляющайа Марина Герман иһитиннэрдэ.
Босуобуйаны 17 диэри саастаах оҕолоох ыаллар уонна 12 нэдиэлэлэригэр диэри дьахтар консультациятыгар учуокка турбут хат дьахталлар ылыахтарын сөп. Босуобуйа кээмэйэ дьиэ кэргэн дохуотуттан тутулуктаах уонна оҕоҕо уонна үлэлиир улахан киһиэхэ эрэгийиэннээҕи тиийинэн олоруу алын кээмэйин 50%, 75% эбэтэр 100% тэҥнэһэр.
17 диэри саастаах оҕолорго бастакы зонаҕа (хотугу оройуоннар) 14879 солкуобайтан 29758 солк. диэри тэҥнэһэр. Иккис зонаҕа (хотулартан уратыларга) босуобуйа кээмэйэ 12462 солкуобайтан 24952 солкуобайга диэри халбаҥныыр.
Хат дьахтар босуобуйатын кээмэйэ дьиэ кэргэнин дохуотуттан тутулуктаах. Бастакы зонаҕа 13923 солкуобайтан 27847 солкуобайга диэри, иккис зонаҕа 11662 солкуобайтан 23325 солкуобайга диэри.
“Бэс ыйын 1 күнүттэн биир кэлим босуобуйаны аныырга алимены учуоттааһын бэрээдэгэ уларыйда. Суут анаабыт алименнарыгар төһөнү дьиҥнээхтик ылбыта учуоттанар. Төрөппүттэр сөбүлэһиилэринэн алименнарга босуобуйаҕа сайабылыанньа сууматыттан ылыллар, ол эрээри Дьиэ кэргэн кодексыгар көрүллүбүт мэктиэлээһиннэртэн намыһаҕа суох. Биир оҕоҕо бу МРОТ ¼ (4810,5 солкуобай), икки оҕоҕо – 1/3 (6414 солкуобай), оттон үс уонна онтон элбэххэ – ½ (9621 солкоубай)”, — диэтэ Марина Герман.
Ону тэҥэ босуобуйаны аныырга учуоттаммат дохуоттар кэрискэлэрэ кэҥээтэ. Онно эпиэкэлэнэр оҕолор счеттарыгар бырыһыаннар, “Дьоруой ийэ” аакка төлөбүр, “Төрөппүт албан аата” уордьан эбэтэр мэтээл иһин, ону тэҥэ үөрэнэр кэмнэригэр 18 саастарыгар диэри үлэлээбиттэриттэн дохуоттара, өскөтүн кинилэр бэйэ дьарыктаах буолбатахтарына.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Сэтинньи 25-26 күннэригэр саха тылын, литэрэтиирэтин, култууратын учууталларын өрөспүүбүлүкэтээҕи III сийиэһэ ыытыллаары турар. Сийиэскэ сүүрбэччэ…
Саха сирин уустара Москваҕа ыытыллыбыт «Клинок – үгэс уонна аныгы кэм» норуоттар икки ардыларынааҕы быыстапка…
Дьокуускайга ыытыллар Дмитрий Коркин аатынан норуоттар икки ардыларынааҕы күрэхтэһиигэ Беларусь сүүмэрдэммит хамаандатын састаабыгар эр дьоҥҥо…
Алдан улууһун борокуратуурата сокуону кэһэн азартнай оонньуулары тэрийиигэ уонна ыытыыга буруйданар улуус икки олохтооҕун утары…
Дьокуускай куорат дьаһалтатыгар "Кыһын Саха сириттэн саҕаланар" өрөспүүбүлүкэтээҕи бэстибээл тэрийэр хамыыһыйатын мунньаҕа буолла. Мунньаҕы куорат…
Муома улууһун Кустуур сэлиэнньэтигэр сэтинньи 6 күнүгэр И.Н. Слепцов аатынан агро-оскуола «Уйа» бырайыагын чэрчитинэн тутуллубут…