Саргын Скрябин хаартыскаҕа түһэриитэ, ЯСИА
Саха сирин киин куоратыгар дойду 50 тахса эрэгийиэниттэн татаардар общиналарын бэрэстэбиитэллэрэ кэллилэр. Култуура, успуорт уонна уопсастыбаннай тэрээһиннэр буолаллар.
Бырааһынньык сүрүн тэрээһиннэрэ Дьокуускайга Комсомол болуоссатыгар, ону тэҥэ “Туймаада” стадиоҥҥа уонна Сынньалаҥ пааркатыгар буолуохтара. Сабантуй кэмигэр айар кэлэктииптэр кэнсиэрдэрэ, киинэлэр, успуорка күрэхтэһиилэр, быыстапкалар, куонкурустар күүтэллэр.
Бүгүн, бэс ыйын 13 күнүгэр, сонуннары киэҥник тарҕатар сириэстибэлэр медиа-эспиэртэрэ “Төгүрүк остуолга” кыттыахтара. Ону тэҥэ киэһэ Д.К.Сивцев-Суорун Омоллоон аатынан Опера уонна балет тыйаатырыгар Татарстан искусствотын кэнсиэрэ ыытыллар.
XXV Федеральнай Сабантуй бэс ыйын 14 күнүгэр Дьокуускайга Комсомол болуоссатыгар 12 чаастан үөрүүлээхтик аһыллыаҕа. Бу чэрчитинэн театрализованнай көрдөрүү, “Созвездие талантов на земле Олонхо” кэнсиэр куорат олохтоохторун, ыалдьыттарын түмүөхтэрэ.
Сабантуйу арыйыы күнүгэр Алексей Кулаковскай пааматынньыгар уонна Муса Джалиль бюһугар сибэкки дьөрбөтүн ууруохтара.
Бэс ыйын 14 күнүгэр 09:00 чаастан “Туймаада” стадиоҥҥа корэш уонна мас-рестлинг күрэхтэһиилэрэ буолаллар.
10:00 чаастан Саха сирин уонна Татарстан тиэргэннэрэ аһыллыахтара. “Маастардар куораттара” бэстибээл саҕаланыаҕа.
13:00 Дьокуускайга Сынньалаҥ пааркатыгар “Народные игры – душа Сабантуя” саҕаланар. Гиирэ успордугар, армуспуорка, канааты тардыһыыга уо.д.а. ким баҕалаах кыттыан сөп.
Комсомол болуоссатыгар киин сценаҕа тэрээһини түмүктүүр сиэр-туом кэмигэр 16:00 ч. корэш уонна мас-рестлинг кыайыылаахтарын наҕараадалыахтара.
Быйылгы бырааһынньык Улуу Кыайыы 80 сылыгар уонна Аҕа дойдуну көмүскээччи сылыгар ананар.
Санатан эттэххэ, Сабантуй – татаардар сааскы хонуу үлэтэ түмүктэниитигэр анаабыт бырааһынньыктара. Эһиил Омскай уобаласка ыытыллыаҕа. Татардар аан дойдутааҕы кэнгириэстэрэ тэрийэр, ороскуотун сүгэр.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Хаартыска: Саргын Скрябин, ЯСИА
Сиһилии: https://www.sakha.gov.ru/news/6540
Саҥа дьыллааҕы бырааһынньыктар иннинэ түөкүттэр былаас аатыттан сымыйа төлөбүрдэринэн уонна «бэлэхтэринэн» албынныыр ньыманы көхтөөхтүк туһанан…
Ахсынньы 20 күнүгэр Дьокуускайга «Спортивнай» түөлбэҕэ элбэх хайысхалаах успуорт саалатын үөрүүлээх аһыллыыта буолла. СӨ Ил…
Ахсынньы ыйыгар Саха сиригэр кыһыҥҥы суоллар аһыллыбыттарын үрдүнэн, улуустар икки ардыларынааҕы таксыы сыанатыгар биллэр-көстөр чэпчэтии…
СӨ Бырабыыталыстыбатын бэрэссэдээтэлин бастакы солбуйааччы Дьулустаан Борисов санаатынан, Арассыыйа Бэрэсидьиэнин пресс-кэмпириэнсийэтэ киэҥ ис хоһоонноохтук, киирбит…
СӨ Бырабыыталыстыбатын бэрэссэдээтэлин солбуйааччы Ольга Балабкина, РФ Бэрэсидьиэнин Владимир Путин улахан пресс-кэмпириэнсийэтин түмүктэрин сырдатан, судаарыстыба…
Күн бүгүҥҥүттэн үлэ күнүн кыраапыгын оҥоһуу өй (ИИ) былаанныан сөп. Үлэ эйгэтэ олус түргэнник уларыйан,…