Үҥкүү успуордун сойууһун бэрэсидьиэнэ Людмила Николаева президиум мунньаҕын ыытта. Президиум чилиэннэрэ үҥкүү успуордун сайдыытын былааныгар турар бастакы уочараттаах соруктары көрдүлэр.
Ахсынньыга спортивнай үҥкүүгэ өрөспүүбүлүкэтээҕи күрэхтэһиини ыытарга торумнаатылар. Бу күннэргэ күрэхтэһии балаһыанньатын оҥоруохтара. Дьокуускай, Нерюнгри, Мииринэй, Ленскэй уонна атын улуустар спортивнай кулууптарын кыттыылара күүтүллэр.
Ону тэҥэ Үҥкүү успуордун сойууһа оҕолору сүүмэрдээһини быһаччы ыытыыга көмөлөһүөҕэ.
Оттон өрөспүүбүлүкэ уонна Дьокуускай куорат үҥкүүгэ кулууптара, бэйэлэрин оҕолорун дьарыкка суруйтарыахтарын баҕарар төрөппүттэр саайтар уонна өрөспүүбүлүкэ Үҥкүүгэ успуордун сойууһун социальнай ситимнэринэн онлайн-сайаапкалары ыытыахтарын сөп. Сойуус оскуола эбэтэр оҕо олорор сирэ ханна баарыттан көрөн, сайаапканы кииннээн тыырыаҕа.
Ону тэҥэ спортивнай сүрүн пааралар дьарыктанар оскуолаларын дириэктэрдэригэр кинилэри дьарыктарга уонна эрчиллиилэргэ өйүүллэригэр көрдөһүү сурук ыытыахтара. Спортивнай үҥкүү – өрөспүүбүлүкэҕэ тэтимнээхтик сайдар успуорт көрүҥэ. Уһун тохтобул кэнниттэн “Азия оҕолоро” норуоттар икки ардыларынааҕы VIII успуорт оонньууларын бырагырааматыгар спортивнай үҥкүүнү киллэрбиттэрэ олус долгутуулаах.
Үҥкүү успуорда – саамай кэрэ успуорт көрүҥэ, онон өрөспүүбүлүкэҕэ сүгүрүйээччилэр элбэхтэр. Өрөспүүбүлүкэ үҥкүүгэ успуордун сойууһун бэрэсидьиэнэ Людмила Николаева салалтатынан Саха сиригэр бу көрүҥүнэн маассабайдык дьарыктаналларыгар улахан болҕомтотун ууруллар.
Анал байыаннай дьайыыга сылдьар буойуннары өйүүр «Илии сылааһа» волонтердар бырайыактара сылын аайы ыытыллар «Уһук Илин…
Ахсынньы 19 күнүгэр, бээтинсэҕэ, Арассыыйа бэрэсидьиэнэ Владимир Путин суруналыыстары кытта пресс-кэмпириэнсийэ ыытыаҕа. РФ Бэрэсидьиэнэ ааспыт…
Ахсынньы 17 күнүгэр Госдуума Үлэҕэ уонна социальнай бэлиитикэҕэ кэмитиэтэ элбэх оҕону иитэр соҕотох аҕалары соҕотох…
Кэтэһиилээх Саҥа Дьыл дьоҥҥо биир кэрэ бэлэҕэ -- хаар, муус оҥоһуктар. Өскөтүн өссө оҕолорго ананар…
Сыллата Ил Дархан Харыйатыгар Саха сирин бары улуустарыттан, куорат уокуруктарыттан, талааннаах оҕолору булар, өйүүр өрөспүүбүлүкэ,…
2026 сыл -- илиҥҥи гороскуобунан Уот кыһыл Ат сыла. Дьэ, быйыл Саҥа дьыллааҕы харыйалары хайдах…