Саха сиригэр үбү-харчыны туһаныы билиитин марафона ыытыллар

Саха сиригэр бу сыл сэтинньи 9 күнүгэр диэри үбү-харчыны туһаныы билиитин марафона ыытыллар.

Тэрээһин офлайн уонна онлайн ньыманан буолар. Бу туһунан Ил Дархан уонна Бырабыыталыстыба пресс- сулууспата суруйар. Бырагыраама чэрчитинэн эспиэрдэр сүбэлэрэ, онлайн-дьарыктар, оскуолаларынан онлайн уонна офлайн уруоктар, үөрэх тэрилтэлэригэр, оскуола иннинээҕи тэрилтэлэргэ уонна үлэ кэлэктииптэригэр араас тэрээһиннэр, уруһуй куонкурустара, плакаттары оҥоруу, видеороликтары уһулуу, үп-харчы эйгэтигэр сыһыаннаах араас оонньуулара ыытыллаллар. Марафон чэрчитинэн оскуола үөрэнээччилэригэр уонна орто үөрэх устудьуоннарыгар үбү-харчыны туһаныы билиитин VI  өрөспүүбүлүкэтээҕи олимпиадата (16-18 саастаахтарга) ыытыллар.

Маны таһынан 5-8 кылаас үөрэнээччилэригэр «Планета финансов» пластилинынан анимация оҥоруу, 9-11 кылаас үөрэнээччилэригэр уонна устудьуоннарга «Ответственное финансовое поведение»  плакаттары оҥоруу уонна «Кибербезопасность видероликтары уһулуу куонкурустар ыытыллаллар. Тэрээһин 2024-2027 сылларга нэһилиэнньэ үп-харчы билиитин үрдэтэр сыаллаах өрөспүүбүлүкэтээҕи бырагыраама чэрчитинэн ыытыллар. Сиһилии бу сигэнэн киирэн билсиҥ http://fingramyakutia.ru/2024/10/24/марафон-финансовой-грамотности-в-мун-2/