Хаартыска: СИА.
Быйыл Саха сирин 15 выпускнига БКЭ-ҕэ муҥутуур билиилэрин көрдөрөн, саамай үрдүк 100-түү баалы ыллылар.
100 бааллаах түмүк биэс биридимиэтинэн ситиһилиннэ: нуучча тыла, математика, химия, биология уонна литература.
Бэлиэтээн эттэххэ, үс үөрэнээччи биирдэ иккилии биридимэккэ чаҕылхай билиилэрин көрдөрдүлэр. Кинилэр ортолоругар Өрөспүүбүлүкэтээҕи лиссиэй-интэринээттэн Эркин Ноговицын (нуучча тыла уонна химия), Арктикатааҕы оскуолаттан Диана Оразбаева (нуучча тыла уонна биология) уонна В.П. Ларионов аатынан физико-тиэхиньиичэскэй лиссиэй үөрэнээччитэ Кирилл Степанов (нуучча тыла уонна химия).
Быйыл үөрэҕириигэ тиэхиньиичэскэй хайысхалары сайыннарыыга уонна киэҥник тарҕатыыга улахан болҕомто ууруллубута. Айсен Николаев эппитинэн, өрөспүүбүлүкэ бу эйгэҕэ биллэрдик ситиһиилэри оҥордо.
«Мин үөрэх тиһигин бары үлэһиттэригэр, учууталларбытыгар махталбын тиэрдэбин. Ааспыт сылга физиканы, химияны, математиканы туттарар выпускниктар ахсааннарын элбэтэр туһунан туруорбут соругум толорулунна. Онон бу хайысхаҕа 10% кэриҥэ биллэрдик үрдээһини көрдүбүт. Бу көрдөрүү салгыы оннунан хаалыа диэн эрэнэбин. Өрөспүүбүлүкэҕэ ордук инженердэр уонна тиэхиньичэскэй исписэлиистэр наадалар», — диэн Ил Дархан бэлиэтээтэ.
Санатар буоллахха, БКЭ-ҕэ 100 баалы ылбыт выпускниктар 100 тыһ. солк. кээмэйдээх биир кэмнээх төлөбүрү ылаллар.
Ленскэй оройуонун борокуратуурата олохтоох эр киһиэхэ судаарыстыбаннай буруйдааһынын өйөөтө. Кини РФ Холуобунай Кодексатын 171.1 ыст.…
Бүгүн Туймаада ыһыаҕа үгүс дьону түмтэ - сарсыардаттан үөрбүт, санаалара көнньүөрбүт дьон ыһыахтары Үс Хатыҥҥа…
Саха сирин оҕолоро омук абааһытынан оонньуур буолбуттар. Төрөппүттэр киэҥ харахтаах, уһуктаах кулгаахтаах, тоҕус ардьайбыт тиистээх…
Ытыктабыллаах Сахам сирин олохтоохторо! Күндү ыалдьыттар! Эһигини Улуу Туймаада хочотун үрүҥ тунах ыһыаҕынан эҕэрдэлиибин! Үгүс…
Саха сиригэр 6 буруйу оҥоруу түбэлтэтэ бэлиэтэннэ. Бу туһунан СӨ Борокуратууратын пресс-сулууспата иһитиннэрэр. Дьокуускай куоракка…
Суукка быһаарыллыбытынан, бу сыл тохсунньу 8 күнүгэр Кыйы сэлиэнньэтин 32 саастаах олохтооҕо итирик туруктаах сылдьан,…