Хаартыска: www.sakha.gov.ru
Арассыыйа тутуутун министиэристибэтэ “Олорор сир уонна куорат эйгэтэ” национальнай бырайыак чэрчитинэн тупсарыллар эбийиэктэри талыыга, муус устар 15-30 күннэригэр ыытыллыбыт Бүтүн Арассыыйатааҕы куоластааһын түмүгүн таһаарда. Саха сириттэн 67 бырайыак киирбититтэн 32 кыайыылаах эбийиэги таллылар.
Бэлиэтээн эттэххэ, Саха сирэ быйыл көхтөөҕүн көрдөрдө. Куоластааһыҥҥа барыта 124 623 киһи кытынна, былырыын 74 690 киһи этэ. Өрөспүүбүлүкэ 17 улуустан 67 эбийиэги киллэрбититтэн, кыайыылааҕынан 32 эбийиэк таҕыста. Маныаха Үөһээ Бүлүү улууһуттан 10 бырайыактан биэһэ, Миринэй улууһуттан аҕыстан түөрдэ, Нерюнгри улууһуттан алтаттан үһэ бастаатылар.
“Куоластааһыҥҥа кыттыбыт дьоҥҥо барыларыгар махталбын биллэрэбин. Талыллыбыт сирдэргэ бырайыактары оҥоруохтара уонна кэлэр түһүмэххэ киллэриэхтэрэ. Саха сирин көхтөөх олохтоохторо бу бырайыактары сайыннарарга бэйэлэрин кылааттарын киллэрэллэригэр эрэнэбин” – диэн Ил Дархан Айсен Николаев бэлиэтээтэ.
“Саха сирин олохтоохторо көхтөөхтүк кыттыылара, кинилэр олорор сэлиэнньэлэрэ, куораттара хайдах көстүүлээҕэр кыһаллалларын туоһулуур. Куоластааһын, бастакы хардыы эрэ буоларын ыйар оруннаах. Бырайыактары олоххо киллэрэргэ биһигини улахан үлэ күүтэр. Табыгастаах, аныгы эйгэ бары ирдэбилигэр эппиэттэһэрин туһугар дьаһалталары, олохтоохтору кытта ыкса ситимнээхтик үлэлиэхпит” – диэн Ил Дархаҥҥа архитектура уонна градостроительства управлениетын салайааччыта Любовь Папок бэлиэтээтэ.
Куоластааһын дойду баһылыга Владимир Путин көҕүлээбит “Олох-дьаһах уонна куорат эйгэтэ” национальнай бырайыак “Куорат тупсаҕай эйгэтин тэрийии” федеральнай бырайыагын иитинэн ыытыллыбыта.
Кыайыылаахтар испииһэктэрин бу ыйыллыбыт сигэнэн көрүҥ.
Ил Дархан уонна Бырабыыталыстыба пресс-сулууспата.
Саҥа дьыллааҕы бырааһынньыктар түмүктэнэн, симэммит харыйалары хомуйар кэм чугаһаата. Астрологтар маннык күннэргэ харыйаны хомуйары сүбэлииллэр:…
Судаарыстыбаннай Дуумаҕа дьиэ кэргэҥҥэ үһүс уонна онтон кэлэр оҕолор төрөөтөхтөрүнэ дьиэ кэргэн ипотекатын ыстаапкатын намтатар…
Бэрэсидьиэн академиятын эспиэрэ Татьяна Подольская быйыл уоппускаҕа барарга саамай барыстаах ыйдары эттэ. Кини иһитиннэрбитинэн, биэс…
Ороһуоспа бырааһынньыгар остуолга ууруллар ас-үөл дойду эрэгийиэннэринэн араастаһыан сөп эрээри, бырааһынньыгы көрсө үгүс хаһаайкалар маннык…
Ааспыт сылга Дьокуускай куорат Гагарин уокуругар ханна да суох улахан уонна аныгы тутуулаах СМАРТ-поликлиника үлэҕэ…
РФ уопсай үөрэхтээһинин бочуоттаах үлэһитэ, “СӨ үтүөлээх учуутала” бочуоттаах аат хаһаайына, Дьокуускай куорат 26‑с нүөмэрдээх…