Саха сирин байыастарыгар 20 туонна бырааһынньыктааҕы нобуор ыытылынна

Бу нэдиэлэҕэ Саха сириттэн байыаннай дьайыы буола турар сиригэр 20 туонна таһаҕаһы тиэммит массыыналар айаннаатылар. Бу массыыналар бырааһынньыктааҕы бородуукта нобуордарын, тиэхиньикэлэри уонна гуманитарнай баһыылкалары илдьэ бардылар диэн брифиҥҥэ СӨ гражданскай оборуонаҕа уонна нэһилиэнньэ олоҕор куттал суоһаабатын хааччыйар миниистир Дмитрий Лепчиков иһитиннэрдэ.

Кини бэлиэтээбитинэн, СӨ Суһал ыстааба Илиҥҥи байыаннай уокуругу кытта сибээһин быспат. «Билиҥҥи кэмҥэ пилота суох көтөр аппараттары атыылаһан, буойуттарбытыгар ыытар сүрүн сорук турар. Итиэннэ Саха сирин оҥорон таһаарааччылара «Якт-Сокол» квадроцикллары, «Тимир Ат» матасыыкыллары, «Хотой» дроннары фроҥҥа ыытаары бэлэмнииллэр», — диэн Лепчиков кэпсээтэ.

Миниистир иһитиннэрбитинэн, 2025 сыл саҕаланыаҕыттан тырааныспар хампаанньалара байыаннай дьайыы буола турар сиригэр 41 рейси оҥорбуттар, ол иһигэр 132 тырааныспары илдьибиттэр.

Сиһилии: https://www.sakha.gov.ru/news/16903