Дьулустаан Сергеев хаартыската, ЯСИА
Номнуо бу нэдиэлэҕэ Екатеринбург куоракка «Дзюдо дыбарыаһыгар» эр дьон уонна дьахталлар икки ардыларыгар дзюдоҕо Арассыыйа чөмпүйэнээтэ саҕаланар. Бу суолталаах күрэхтэһии үгэс быһыытынан кэлэр норуоттар икки ардыларынааҕы сезоҥҥа дойду сүүмэрдэммит хамаандатын састаабын быһаарыаҕа.
Саха сирин сүүмэрдэммит хамаандатыгар бастыҥ дзюдоистар киирдилэр. Бу туһунан «Триумф» пресс-сулууспата иһитиннэрдэ. Ааспыт сыллардааҕы Арассыыйа чөмпүйүөннэрэ Аина Моисеева (48 кг диэри) уонна Карина Ефимова (52 кг диэри) кыттыахтара. Уһук Илин чөмпүйэнээтин түмүгүнэн Саха сириттэн Магомед Измайлов (73 кг диэри), Диана Вихарева (48 кг диэри) уонна Светлана Пойдютова (63 кг диэри) кыттар быраабы ыллылар. Ону таһынан, Бүтүн Арассыыйатааҕы күрэхтэһии кыайыылааҕа уонна призера Полина Иудина (78 кг) кыттар. Бу ыйааһын категориятыгар кинини кытта Арассыыйа вице-чөмпүйүөнэ Надежда Татарченко киирсиэҕэ. Ол эрээри быйыл кини 70 кг диэри ыйааһыҥҥa кыттыаҕа, бу олус интэриэһинэй түгэнинэн буолар.
Дойду чөмпүйэнээтигэр улахан бириис туруорулунна. Бириис уопсай пуондата 3,2 мөлүйүөн солкуобайы куоһарар. Ол курдук, бастыыр иһин киирсиигэ кыайыылаах 250 тыһыынча солкуобайы, оттон күрэсчит тириэньэрэ – 100 тыһыынча солкуобайы ылыахтара. Үрүҥ көмүс призерга 150 тыһыынча, оттон боруонса призерга 60 тыһыынча солкуобай көрүлүннэ.
Аныгы сайдыылаах үйэбитигэр өрөспүүбүлүкэбит хайа да муннугар аны хаалыылаах, түҥкэтэх сир диэн суох. Бээ, бу…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Амма улууһун Соморсун нэһилиэгэр үлэһит тырахтарыыс уолаттар, эр дьон баар буоланнар, дэриэбинэ олоҕо күөстүү оргуйар.…
"Амма" эрэгийиэннээҕи айан суолун 93-94 км учаастагар билигин да күөлтэн уу киирэ турар. "СУ-77" тэрилтэ…
Маннык тэттик сүбэлэри тутустаххына, настарыанньалаах, үөрэ-көтө сылдьыаҥ, кыраттан иҥнэн-бохтон туруоҥ суоҕа. Сэниэлээх, күүстээх-уохтаах буолуоҥ. -бэйэҕин…
Нассынаалынай байыаннай оскуоланы бүтэрбит сержант Семен Петрович Жирков төрөөбүт-үөскээбит Намыгар тахсан 1939-1941 сылларга байыаннай остуол…