Хаартыска: ЯСИА, Нарыйа Пахомова
Алтынньы 14 күнүгэр Дьокуускайга уопсастыбаннай уонна бэлитиичэскэй диэйэтэл Владимир Михайлович Членов мемориальнай дуоскатыгар сибэкки дьөрбөтүн уурдулар.
Бүгүн кини 75 сааһын туолуохтаах этэ. Тэрээһиҥҥэ уолаттара, бииргэ үлэээбит дьоно, кэллиэгэлэрэ, тырааныспар салаатын бэтэрээннэрэ, үлэһиттэрэ, ону тэҥэ ыччат бэрэстэбиитэллэрэ кыттыыны ыллылар.
СӨ Тырааныспарга уонна суол хаһаайыстыбатыгар миниистирэ Владимир Сивцев эрэгийиэн тырааныспарын систиэмэтин сайыннарыыга Владимир Членов суолталаах кылааты киллэрбитин бэлиэтээтэ.
«Бүгүн 75 сааһын туолуохтаах Владимир Михайловиһы ахтан-санаан ааһаары муһуннубут. Биһиги кини өрөспүүбүлүкэҕэ тырааныспар инфраструктуратын сайдыытыгар уонна салаа атаҕар туруутугар киллэрбит кылаатын сыаналыыбыт. Күн бүгүн бу хайысхаҕа үгүс ситиһиилэр бааллара — уопсастыбаннай-бэлитиичэскэй диэйэтэл, Арассыыйа тырааныспарын бочуоттаах үлэһитэ уонна полярнига Владимир Членов үлэтин түмүгэ буолаллар», — диэтэ Владимир Сивцев.
Владимир Михайлович Членов Тиксии, Дьокуускай комсомольскай тэрилтэлэригэр, Ньурба, Сунтаар улуустарын дьокутааттарын Сэбиэтигэр, Тырааныспар уонна суол хаһаайыстыбатыгар министиэристибэтигэр үлэлээбитэ, Ил Түмэн үс ыҥырыылаах мунньаҕын дьокутаатынан талыллыбыта, СӨ Атыы-бырамыысыланнай балаататыгар үлэлэспитэ, диэн иһитиннэрэр Ил Дархан, бырабыыталыстыба пресс-сулууспата.
Бу күннэргэ хоту дойду үгүс олохтоохторо кыстыыр балыктарын булунаары, айахтарыгар сииллэригэр анаан муус аннынан балыктыыллар.…
Күһүн, кыһын хаар түстэҕинэ, ириэрдэҕинэ, суолга муус-хаар бөлтөркөйдөр үөскээн, массыынаҕа да, сатыы дьоҥҥо да мэһэйдииллэр.…
Бүгүн, алтынньы 29 күнүгэр, Дьокуускай куорат Губинскай уокуругар саҥардыллыбыт Ефимов уулуссата үлэҕэ киирдэ. Бу суол…
Быйыл ахсынньыга Саха сиригэр «Хаар баабыр» («Снежный барс») XXVII Өрөспүүбүлүкэтээҕи байыаннай-успуорт оонньуулара былааннаналлар. Бу тэрээһин…
Анал байыаннай дьайыы зонатыгар Саха сирин тирэх пууннарын үлэһиттэрэ нэдиэлэ иһигэр 11 төгүл тахса сырыттылар.…
Дьокуускайдааҕы Саха политиэхиньиичэскэй лиссиэйигэр «Пилоты будущего» диэн дрону салайыыга Бүтүн Арассыыйатааҕы куонкурус эрэгийиэннээҕи түһүмэҕэ түмүктэннэ.…